غزل
نجیب میروانی
کنا ہنکین ماڑی کنا گدان زیبا ءِ
کنا ثقافت و دود کنا پہچان زیبا ءِ
مریو قربان دا ڈیہہ انا خل و بوچ اکن
کنا راسکوہ و آماچ کنا شاشان زیبا ءِ
وہوک آ دیرک چار ءُ چٹوک نا دلبر
پیر غیب زیبا ءِ کنا بولان زیبا ءِ
عجب زیبا ءِ محفل پیر و ورنا تون اینو
چوَٹ، دستار، سدری تون ننا دیوان زیبا ءِ
دن ءُ ڈیہہ اس نجیب کنے بشخانے مولا
ہربوئی و چلتن تون کل بلوچستان زیبا ءِ
ہفتئی تلار کوئٹہ، تاک 12، سال 17، پنہ 5
21-27 March 2020