غزل

گلاب اس نن تسن تلار آتا دو ٹی

پدا ہلکنک دو ءِ غار آتا دو ٹی

نے بچّوئی ءِ گر غلامی آن بلبل

بفیسک اسُل دام جار آتا دو ٹی

ننا ئس کاریم پاننگ اوفتے

تخر یا کہ پار راز دار آتا دو ٹی

دا چشمہ نا مرضی وہے یا وہپ او

وہنگ دیر اف آبشار آتا دو ٹی

ہرک داخہ در نی ننا سادہی ءِ

کہ الّان کر ءِ نن نہار آتا دو ٹی

تینا زند اٹی رژن خنتون دیخ اس

چراغ آتے تسن تہار آتا دو ٹی

سویل آن ہم پوشکن کریر اونا رنگ ءِ

تینا پھل ءِ تسن بہار آتا دو ٹی

امر سادہی اٹ کریر اودے سودا

چوہ ڈیہہ ءِ تِسُن ہشار آتا دو ٹی

ثمین سنگتی بھاز مسک پت آتا

ہلین داسہ بر لالہ زار آتا دو ٹی

ہفتئی تلار
تاک:01
۔07-01 جنوری 2022ء
پنہ: 07