براہوئی کتاب

رحیم ناز ، براہوئی زبان نا گچین آ غزل گو شاعر آتیان ءِ۔ او تینا شاعری ءِ گٹ اٹ بھاز زیبائی اٹ پاہک۔

عارف ضیاء نا افسانہ غاتا اِرا کتاب شینک مسنو، ’زراب‘ اونا افسانہ غاتا اولیکو کتاب ءِ، ہرا 1984ء ٹی شینک مسنے،

"کسر مونی کاہک" غمخوار حیات نا ہمو نثری آ نوشت آک ءُ ہرافک 2003ء آن 2016ء اسکان ہفت روزہ تلارکوئٹہ ٹی کالم آتا دروشم اٹی”راسکوہ نامہ“نا پن اٹ چھاپ مسنو۔ دا نوشت آتے ٹی اونا علمی، فکری، شعوری وظیفہ، ریاضت، تجربہ ومشاعدہ غاک ساڑی ءُ۔

براہوئی ادب اٹی مٹ و بدل نا پڑ آ گل بنگلزئی بھلو پن اسے نا خواجہ ءِ۔ اونا داتم اسکان مٹ و بدل نا پڑ آ بیست و پنچ آن زیات کتاب شینک مسنو۔ دا ہم ہموفتیان اسٹ اسے۔

مولانا محمد افضل مینگل، سیاست، ادب و راجی شونداری نا پڑ آ اسہ بھلو پن اسے نا خواجہ ءِ۔ اونا کتاب ’’یٰسین شریف ، براہوئی منظوم ترجمہ‘‘ ءِ راسکوہ ادبی دیوان شینک کرینے۔

گل بنگلزئی افسانہ نوشتہ کننگ نا بنا ءِ 1957ء آن کرے، اونا اولیکو افسانہ و نوشت آک ماہتاک ’’بلوچی‘‘ ٹی شینک مرسا کریرہ۔ 1984ء ٹی او تینا افسانہ غاتے مچ کرسا کتابی دروشم تس۔ دا کتاب ءِ قلات پبلشرز شینک کرینے۔

براہوئی ادب نا پڑ آ شاہین بارانزئی نا نثر و نظم ہڑتوم آ صنف آتیٹی نوشت آک مون آ بسنو، وخت اس کہ او کتاب آتا جاچ ہلنگ و اوفتا سلاہ اس تننگ نا بابت ہم بھلو کاریم اس کرینے۔ دا اونا شاعری نا کتاب ءِ ہرا سن 2000 ہزار شینک مسنے۔

حمیرا صدف حسنی نا چندی ادبی صنف آتیٹی نوشت آک اریر، دا اونا ہائیکو نا کتاب ءِ۔ حمیرا نا ہائیکو تے خواننگ آن محسوس کننگ مریک کہ اوفتٹی فطرت نا رنگ آتتون اوار راج انا حقی آ دروشم پاش ارے۔ اونا شاعری ٹی نیاڑی کل اہم ءُ سرحال اسے۔

حاجی شاہ بیگ شیدا، براہوئی ادب و بلوچستان نا علمی ادب یو سیاسی حلقہ غاتیٹی نا درست اف، بلکہ اینو نا حاجی شاہ بیگ شیدا کہ دا وخت آ براہوئی علم و ادب نا دنی اٹی اسہ جتا ئُ ہند و جاگہ اس ودی کرینے، او جوان ءُ نثری شہ ہ پارہ و گچینءُ فکر اسے…

نور پرکانی گچین ءُ افسانہ نگار و گچین ءُ نوشتکار اسے، دا کتاب اونا بنائی کاریم تیان ءِ۔ داٹی او چنا تا کِسہ غاتے اسیجا کرسا شینک کرینے۔