بلوچستان اٹی امن، شونداری و شونہالی کن پاک فوج الس تون ہم کوپہ سلوک ءِ،فیلڈ مارشل سید عاصم منیر

صوبہ نا امن و سوگوی قومی اولیت آتا بشخ اسے، سیکورٹی حالیت و آپریشنل تیاریک است جمی نا سوب ءُ

0

Get real time updates directly on you device, subscribe now.

راولپنڈی، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر تربت، بلوچستان نا دورہ ءِ کرے ہراڑے کورکمانڈر بلوچستان اودے بخیرکرے۔ دورہ نا بنا غاچیف آف آرمی اسٹاف و چیف آف ڈیفنس فورسز شہید آتا یاتگار آ پھل آتا چادر شاغا و شہید آتا روح انا ثواب کن دعاپاتیا و درجہ غاتا بڑزی کن دعاکرے۔ آئی ایس پی آر نا رداٹ داوخت آ فیلڈ مارشل سید عاصم منیر ءِ ڈیہہ انا جم سیکورٹی حالیت، آپریشنل تیاری و پیشن نا کاٹم خواجہی ٹی مروک آ دہشت گردی نا برخلاف برجاسرسہب آپریشن تیا سرجمی اٹ حوال تننگا۔ اودے بلوچستان نا الس نا راجی آسودہی کن برجاجتا راجی و اقتصادی شونداری ڈٹ آتیا مروک آ پیشرفت آن ہم معلومدار کننگا۔ ورناتتون ہی وگپ کرسا چیف آف آرمی اسٹاف و چیف آف ڈیفنس فورسز مشکل آپریشنل حالیت آتیان پد ہم اوفتا بڑزکو آپریشنل تیاری، کسبی چاہنداری و لمہ وطن نا دفاع نا بدل مفروک ارادگی نا ستاءِ کرے۔ فیلڈ مارشل سید عاصم منیر دا ارادگی نا درشانی ءِ کرے کہ پاک فوج ڈیہہ اٹی مدامگی امن، شونہالی و شونداری نا دوئی کننگ کن بلوچستان ناالس تون ہم کوپہ سلک۔

Get real time updates directly on you device, subscribe now.

Leave A Reply

Your email address will not be published.