سیدال خان نا صر نا فتح۔ 3 میزائل نا سرسہب آزموندہ غا مبارکبادی

0

Get real time updates directly on you device, subscribe now.

اسلام آباد، قائم مقام چیئرمین سینٹ سیدال خان ناصر ہندی وڑاٹ تیار کروک فتح۔ 3 سپر سونک کروز میزائل نا سرسہب آزموندہ غا مچ آ قوم، پاک فوج، ملک انا لائخ آ سائنسدان، انجنیئرز و دفاعی چاہندار آتے مبارکبادی تسنے۔ پنچ شنبے نادے آ سینٹ سیکرٹریٹ آن جاری بیان نا رداٹ قائم مقام چیئرمین پارے کہ فتح۔ 3 میزائل نا سرسہب آزموندہ پاکستان نا دفاعی لائخی، سائنسی پوسکنوڑ و تکنیکی خودانحصاری نا پڑاٹی اہم ءُ مزل نا نشان اسے ہرا ملک اٹی سائنسی چاہنداری و ہندی تکنیکی لائخی تیٹی پدریسہ ودکی نا ڈیک ءِ۔ اوپاک فوج و دا اہم سرسہبی ٹی کڑد ادا کروک آ کل ادارہ غاتے خراج تحسین پیش کرسا پارے کہ ملکی وتواجہی نا رکھ و امن و سوگوی کن ہندی پٹ وپول، پوسکنوڑ و تکنیکی شونداری المی ءِ۔ قائم مقام چیئرمین سینٹ داپت انا درشانی ءِ کرے کہ پاکستان نا سائنسدان، انجینئرز و دفاعی چاہندار آک آخبت اٹی ہم پوسکن ءُ سرسہبی دوئی کرسا ملکی دفاعی لائخی و تکنیکی خودانحصاری ءِ پین سوگو کیرہ۔ اوپارے کہ دا سرسہبی پاکستان نا دفاعی و سائنسی لائخی تیا قوم انا پت اٹی پین ودکی کیک۔

Get real time updates directly on you device, subscribe now.

Leave A Reply

Your email address will not be published.