پاکستان و آسیان نا سائبر سیکورٹی و ایلو بشخ آتیٹی رابطہ غاتے ودفنگ آ امنا
اسلام آباد، پاکستان و سویل دے ٹکی ایشیائی ملک آتا تنظیم (آسیان) بدل مروک آ جہانی حالیت و ودوک آ علاقائی چیلنج آتا رد اٹ اقتصادی کمکاری، سائبر سیکورٹی و چاگڑدی بدلی تون اوار چندی بشخ آتیٹی تین پہ تینی رابطہ غاتے پین سوگو کننگ آ امنا کرینو۔ ہڑتوم آ فریق آک واپاری برادری تا نیام اٹی رابطہ غاتے ودفنگ و واپاری و زرگزرانی سرجز آتے شون تننگ کن اسیجائی گام گیج آتا ارادگی نا درشانی ءِ ہم کرینو۔ نائب وزیراعظم و وزیر خارجہ اسحاق ڈار آسیان نا سیکرٹری جنرل ڈاکٹر کاو کم ہورن تون اوار پریس کانفرنس آن تران کرسا پارے کہ اودے ڈاکٹر کاو کم ہورن نا پاکستان اٹی بخیر کننگ آ خوشی مننگ اٹی ءِ۔ پاکستان و آسیان نا نیام اٹی خُڑک و متکن آ تعلقداریک ءُ و پاکستان آسیان نا متکن آ سیکٹرل ڈائیلاگ پارٹنر ءِ۔