غزل
ابراہیم زہری، قلات
Get real time updates directly on you device, subscribe now.
سودا ءِ کاٹم آتا خلکن وطن کن تینا
نن لال جان تسن ڈیہہ اٹ امن کن تینا
بش مر کہ گواڑخ ءِ نا دننگ ءِ گل گلاب ءِ
کر خید خواری ورنا پاک آ چمن کن تینا
خن تے ہرانگ خسِو ہر جاگہ ڈونڈ خور ءِ
کر خیال ءِ کوپہ غاتا خیسن کہ خن کے تینا
دُو ٹی کرک کتاب ءِ ہڷ طاغت ءِ قلم نا
روشن چراغ مرنی مون انگا نن کن تینا
جیجا نا دا دعا ءِ نے تون کمک خدا ءِ
شاہین و شاہ پر اُس نی کوہ و دمن کن تینا
تمّن اگر ڈغار آ ولدا نا تِرک کرونک
حیران اف ورنا گور و کفن کن تینا
محبوب اسے نا زلف ءِ نازیفپہ داسہ زہری
گواڑخ نی کر نوشتہ کوہ و دمن کن تینا
ہفتئی تلار
تاک:40
29-23 اکتوبر 2021ء
پنہ: 05