اسلام آباد: نگران وزیرداخلہ سرفراز بگٹی پارینے کہ کانود آن چَپ ہندی درملکی تا بابت غلط کلہو ہنا کہ نن شاید بیرہ اوغان تے کشنگ اٹی اُن ولے دا کل کانود آن چَپ ہندی بندغ آتیکن ءِ ہرافتے ملک آن کشنگ نافیصلہ کننگانے‘ ملک اٹ کانود آن چَپ ہندی بہاری تا باندات نا کنے سما الو‘ ولے دا باندات ءِ ہم ہُرنہ۔ دا خیال آتا درشانی ءِ او سینیٹ نا قائمہ کمیٹی داخلہ ءِ بریفنگ ترسا کرے‘ قائمہ کمیٹی نا دیوان چار شنبے نادے پارلیمنٹ ہاؤس اٹ سینیٹر محسن عزیز ناکماشی ٹی ادہلک‘ دیوان اٹ نگران وزیرداخلہ آغا رفیع اللہ غا ترند ہم مس او پارے کہ نی پگہ وزرت داخلہ غا بر نے بریفنگ ایتنہ‘ پگہ نے پانہ کہ حکومت انت کننگ کیک و کانود انت موکل ایتک۔ او پارے کہ نن کانود آن چَپ ہندی درملکی تے کشنگ نابابت ہیت کرین ہرانا غلط میسیج ہنا‘ نن کانود آن چَپ پاکستان اٹ ہندی کل بندغ آتے کشنگ نا ہیت کریسُن۔ اوپارے کہ ننا میسیج اٹ دا کلہو ہنا کہ نن شاید بیرہ اوغان مہاجر آتے کشنگ اٹی اُن‘ ولے حکومت نا کلہو بیرہ اوغانی تیکن آخا بلکہ کل کانود آن چَپ ہندی شاری تیکن ءِ۔ سرفراز بگٹی پیدوار کرے کہ ایران آن کانود آن چَپ بلوچ آک پاکستان اٹ بننگ اٹی ءُ ولے کل کانود آن چَپ ہندی بندغ آتے پاکستان آن کشنگ نافیصلہ کرینن۔

کانود آن چَپ ہندی بندغ آتے کن کلہو اس ہنانے کہ بیرہ اوغان تے کشنگ ءُ، دن اف، کل درملکی تے کشنگک، ملک اٹ کانود آن چَپ رہینگوک بہاری تا بابت کنے سما اف،نگران وزیر داخلہ نا سینیٹ نا قائمہ کمیٹی داخلہ ءِ بریفنگ

نگران وزیرداخلہ پارے کہ اسہ ملک اسے ٹی ہم دُن مفک کہ کس اس کانود آن چَپ برے و ہندی مرے‘ ولے اگہ کس اتون رفیوجی کارڈ یا ویزا ارے تو او ننا مہمان ءِ۔ اوپارے کہ حکومت ایران آن بروک بلوچ آتے ہم کشنگ اٹی ءِ‘ دا ہیت ءِ تالان کننگانے کہ دا لسانی باندات اسے‘ دا لسانی باندات اس اف انئے کہ نن کل کانود آن چَپ ہندی بندغ آتے کشنگ ناہیت ءِ کننگ اٹی اُن‘ دیوان اٹ سینیٹ قائمہ کمیٹی ”فوجداری قوانین (ترمیمی) بل“2023 انا سرحال تون بل ءِ امنائی اٹ منظور کرے۔ بل ءِ پیش کروک سینیٹر بہرامند خان تنگی پارے کہ دروغ نادوبہ و بدنیتی آ تالان ڈوہی کارروائی تا ودوک آ رجحان گڑتی ناسوب ویل اس جوڑ مسنے‘ دا بل انا مسخت پاکستان پینل کوڈ انا ٹک 182 و ضابطہ فوجداری نا شیڈول-II اٹ ترمیم کرسا دا ڈوہ تیکن سزا نا وخت ءِ ودفنگ ءِ۔ کراچی ملیر اٹ ہندی ہزار آ بہاری تے شناختی کارڈ دوئی کننگ اٹ مون تروک ویل آتیا ہیت کرسا مسکوہی ایم این اے سید آغا رفیع اللہ پارے کہ ارمان نا ہیت اسے کہ بہاریک دا ملک اکن تینا جان تے ندر کریر و دے ٹکی پاکستان نا جتا مننگ ناوخت آ پاکستان اٹ رہینگار‘ ولدا ہم قوم بہاری تے شاری امنا کننگ اٹ بے سہب ءِ۔ نگراں بنجائی وزیرداخلہ سرفراز بگٹی دا باندات آ وزارت داخلہ ٹی دیوان اڈ تننگ نا فیصلہ کرسا مسکوہی ایم این اے سید آغا رفیع اللہ ءِ سلاہ و باندات نا ایسر کشنگ کن بٹنگانے۔
قائمہ کمیٹی “فوجداری کانود (ترمیمی) بل 2023″ و مون مَونی تور (تحقیقات و مقدمہ) (ترمیمی) بل، 2023” نا منطوری ءِ تس، “ریہریبن پروٹیکشن بل، 2023” آ چیئررمین کمیٹی نا سی ڈی اے ءِ رپورٹ تننگ نا پارت

قائمہ کمیٹی “فوجداری کانود (ترمیمی) بل 2023″ و مون مَونی تور (تحقیقات و مقدمہ) (ترمیمی) بل، 2023” نا منطوری ءِ تس، “ریہریبن پروٹیکشن بل، 2023” آ چیئررمین کمیٹی نا سی ڈی اے ءِ رپورٹ تننگ نا پارت

داکان بیدس سینیٹ کمیٹی ڈیٹا بیس ایڈمنسٹریٹر نا عہدہ ءِ BPS-17 آن BPS-18 اٹ اپ گریڈ کننگ و کاریم تے ریگولر کیڈر اٹ اوار کننگ نا نوٹیفکیشن جاری کپننگ نا باندات ءِ چست کرے۔ کمامدار آک وضاحت کریر کہ بندغ بنائی وڑ اٹ نیشنل ایلینز رجسٹریشن اتھارٹی (NARA) ٹی BPS-17 اٹ ڈیٹا بیس ایڈمنسٹریٹر نا وڑاٹ کاریم کرے و اوار مننگ آن پد نادرا ٹی اوار مننگ نافیصلہ کرے۔ اوکان گڈ 2018 ٹی اودے ڈپٹی ڈائریکٹر BPS-18 نا عہدہ غا ترقی تننگا۔

(آن لائن)