نا تصویر ءِ بیرہ
عامر بلوچ
Get real time updates directly on you device, subscribe now.
کریٹ پد رند ءِ
نا پٹ و جبل تیٹ
ای ہرہر کسر تیٹ
کریٹ چپہ چپہ
ای ہستین ڈغار ءِ
ای جمر تا نیام آن
یا
چانڑدہی آ شام اٹ
نے پٹوہ ہُر
تُوبے نا خڑک آ!
دا خونخوار آ ہُر نی
دریا تا نیام اٹ
خودسر یلہ اُٹ
نا ڈس ءِ تفک کس
نا تصویر ءِ بیرہ
کنا سینہ غا ٹے
ای روڈ آتیا تولوک
خڑینکی آ خن تتون
آہڑ مرے یا
ہُورہ گروک آک
ولے ای سلوک اُٹ
نے کن ہروک اُٹ
نے پٹِو چڑہ ای
زمین آسمان آ
ای ہندن گنوک اُٹ
نے پھل خنوہ
سیخا تو تینا
نی افیس ہرانگ اُس
نی چاوہ بفیسہ
بہ دلبر خنِو نے
خداغا زہیر اُٹ
نا دیدن مرے پھل
کنے داڑے پارہ
نی جم کر دا اُست ءِ
بروفک اسُل او
ولے ای اُٹک کہ
نا چاری کسر تیا
نی دے اس بریسہ
زندہ ءِ اومیت اس!