غزل
ولی ساسولی
Get real time updates directly on you device, subscribe now.
خنو نے تو ثواب آک بال کیرہ
امر؟ پاسہ جواب آک بال کیرہ
نی ہوغس مش تا سینہ تل مریکک
مخس وخت اس گلاب آک بال کیرہ
ننا دڑد آتے خوانپہ خوڑتی اَٹ نی
مریک خاخر زراب آک بال کیرہ
ننا لوز آتتون پختہ سنگتی ءِ
اشارہ کین کتاب آک بال کیرہ
ہراکان بش مرے لنگڑ غریب اس
قسم واللہ نواب آک بال کیرہ
کماش آتے کس اس برداشت کپک
کریر گپ اس شباب آک بال کیرہ
اگر نادرغ آن ملتو فقیر ءِ
گڑا زو چاس کباب آک بال کیرہ
ولی نے تون اگر مس بے وفائی
وفا نا کل نصاب آک بال کیرہ
ہفتئی تلار
تاک: 35
24-18 ستمبر 2021ء
پنہ: 06