نظم

ظلم دا ایسری خنو وخت اس

سامراجی ءِ نا ہشو وخت اس

خواوہ حق ءِ ای بغاوت ءِ

ای کہ چپ اٹ تو دا شرافت ءِ

کنا تپیسہ ننگ و عزت ءِ

ہر جہہ تیسہ نشان طاقت ءِ

نا غرور ہم ہرس سلو وخت اس

نی ننے ہڑدے دڑد بشخانس

خواجہ غا تے وطن نا ڈکانس

نی غریبی ہر جہہ بشخانس

بے ضمیری ءِ نی شال آ شاغانس

وخت انا ننا برو وخت اس

کنا ایلم تے جنگ اٹی شاغاس

نی ننے کور دن کریس الاس

اینو مجبور مسنن طارق

کہ غم اٹ چور مسنن طارق

نن تہار آ ختم مرو وخت اس

ہفتئی تلار
تاک:40
29-23 اکتوبر 2021ء
پنہ: 05