کنا بولی
عصمت بلوچ
Get real time updates directly on you device, subscribe now.
کرک دوٹی کاپی کتاب و قلم
تانکہ دراخ مرے ننا دا ریش انگا زخم
کر دوستی دا دوست انگا کتاب تون
انتئے کہ خواننگ ارے دا ٹھپ انا ملم
اخس خوانسہ زیات خوان
خواننگ ارے ننا دوست انگا صنم
پد آن کرک لوز آتا چمولی تینا بولی نا
دا کل آن اولاخ ءِ کرک باریم
دا اولاخ ءِ ہچ دم دریفپیس سنگت
ایلو دا اولاخ نا باریم آن سکور گڑاس ہم
وتاخ ءِ اولاخ آن شیف دڑفپیس
گڑا نا نشان مش آن بار سلو مدام
عصمت نے تون مرو ہمرا خذمت کن
گڑا نی انت اکن پدی چک خلنگ اُس جانم
ہفتئی تلار کوئٹہ، تاک 12، سال 17، پنہ 5
21-27 March 2020