غزل

دیخہ دیخہ مسخرا کر دیخہ دیخہ جائی پا

نن کن اینو کِسہ اس چَٹ چَس کروک ءُ آئی! پا

لِکھہ نی ہیت ہندن ءُ ، او لگّرک ہر است اٹی

دن مَفک نی کس ءِ تینا زور اٹی شَیدائی پا

نے تون ای سنگت مروسٹ کن کن تو چٹ جوان ئس

کَر پَچار ءِ زندگی نا موت اتون رُسوائی پا

کیس امر نی کیک ہمون ہر در آ نے تون اَوار

اودے سنگت پاپہ تینا اودے نی سِیخَائی پا

دا کہ نی اوغنگ اُسک دن زار و زار آ دانگ اینگ

انت ءِ نا مسئلہ کنے نی زو زرس اے مَائی پا

اے کہ ہوغاکہ کریکہ زاری نن کن کس اسے

پن تے اونا کل جِہان نا داسہ نی زیبائی پا

رُم نے کن آمد آک ءُ چست چالاک آ غزلک

دادے نی تو پاپہ پِیری دادے نی وَرنائی پا

کر نی کاریم ہندن ءُ امجد مریر او ہڑدو سَرک

تینے ہم نی پا ”دینی“ تینے ہم ”دنیائی“ پا

ہفتئی تلار کوئٹہ، تاک 12، سال 17، پنہ 8

21-27 March 2020