اصطلاحات نثر 32

تزکیہ:۔ (Catharsis)

تزکیہ عربی نا لوز اسے، ہرانا معنہ پاک و سفا کننگ نا ارے۔ کتھارسز نا اصطلاح ءِ ادب نا پڑ آ کل آن مست ارسطو درستی راستی کرفے۔ ارسطو نا پنی آ کتاب ”بوطیقا“ (Poetics) ٹی کتھارسز ”المیہ“ نا رد اٹ درشان کرے۔ 

المیہ نا بابت تزکیہ نا رد اٹ ڈاکٹر سلیم اختر دن پاہک:

”ارسطو کے بموجب المیہ کے سامعین جب کرداروں کو مبتلائے الم دیکھتے تو ان میں رحم و دہشت کے جذبات موجزن ہو جاتے ہیں۔ لیکن ڈرامے کا اختتام سامعین میں تزکیہ (یعنی اصلاح) کا موجب بن کر ان کی شخصیت میں بہتری پیدا کر دیتا ہے۔“ (اختر، 2019ء، 88)

تزکیہ شاعری نا بشخ اٹی ہمو عمل ءِ ہرا شاعر اسے اودے تخلیقی عمل اٹی برجا ڈول بے جارات تخک۔

Catharsis آن اسہ نوشتوک اسے ذہنی ڈَول سکون اس دوئی مریک۔ تزکیہ نا برجا مروک آ عمل اٹی نوشتوک تینا خیال و سوچ انا چاگڑد آن مر مفک، انتئے کہ دا عمل ءِ ہراٹی اسہ نوشتوک اسے جذباتی ڈکھ و دڑد آن گدرینگوئی تمک۔

ہراسہ آرٹ نا بشخ کہ ہرا تینا ذات اٹی فنکار نا کتھارسز ارے۔ نوشتوک تینا تہہ انا ڈکھ و غم تیان آجو مننگ نا خواہندار مریک، و ہندا اوفتا اصل جوزہ غاتا بنداوی تزکیہ ہم ارے۔ 

کھتارسز نا لوزی معنہ جانجوڑی و اصلاح نا ءِ، ہرا بنداوی وڑ اٹ طب انا علم انا اصطلاح اسے، ہرادے Purgtion سفا کننگ نا پن تننگانے۔

یعنی جون آن ہمو زیات یا بے کار آ Humours غیر، ریشہ، بلغم مُر کننگ و دتر ءِ کشنگ کہ ہراڑان جون اٹی دڑد و بے قراری مریک۔

تکرارِ معنہ:۔ (Toutology)

Toutology یونانی لوز Toutologos آن پیش تمانے، ہرانا مطلب ”انت اس کہ پاننگک، اودے دوارہ پاننگے۔“ یعنی Repeat کننگ ءِ۔ 

اسہ ہیت اسے اِرا جتا انگا انداز اٹی ہندن پاننگے کہ ہراڑان اوفتا اسہ ڈَول انا معنہ یا مطلب ہلنگے، یا پیش تمے، تو او تکرار معنہ پاننگک۔ دن کہ:

”ای اونا ایلم اُٹ۔“

بڑز انا جملہ دن ہم پاننگ مریک:

”او کنا باوہ نا مار ءِ۔“

ہندن بڑز انا مثال آک منطقی وڑ اٹ تکرار معنہ ٹی بریرہ۔ ہرا تینا جتا بیان نا وڑ اٹی اسہ معنہ اس پاش کیرہ۔

تحریر شناسی:۔ (Paleography)

”پیلیسو گرافی یونانی زبان نا لوز اسے، ہرا پیلالیوس یا پیلالو آن ہلنگانے۔Palios معنہ ”متکن آ“ و گرافین (Graphein) معنہ لکھنگ نا ءِ۔“

یعنی پلیوگرامی متکن آ زمانہ نا زبان نا متکن آ رسم الخط و نوشت نا مطالعہ تحریر شناسی پاننگک۔ دن کہ:

”متکن آ امریکہ و میکسیکو نا متکن آ قوم ”مایا“ نا رسم الخط، ایران و ایشیائے کوچک نا میخی رسم الخط، عراق نا سمیری رسم الخط و بابلی دور انا آشوری رسم الخط، پیکانی رسم الخط، خط شکست، ہیراگانا رسم الخط، کاٹا کانا رسم الخط، و ایلوفک اریر۔“ (اسحاق، 2018ء، 32)

توقیع: (Proyalorder, Official allestation, verification)

توقیع عربی زبان نا لوز اسے، ہرا نالغوی معنہ شاہی مہر، دستخط، شاہی دستخط و فرمان۔

اصطلاحی وڑ اٹ توقیع آن مراد مہر خلوک شاہی فرمان و تصدیق کروک دستاویز نا ءِ۔ ہندن ”توقیعات ہمو چنکا نوشت کن کاریم اٹ بسکہ ہرا اسہ خلیفہ، سلطان یا امیر اسے نا کنڈ آ نوشتہ مروک خواست یا پیش کروک ساڑی ویل اسے نا ورندی ٹی نوشتہ کننگک۔“ (اختر، 2019ء، 100)

یات سلے کہ خطِ رقاع (رقعہ نا جمع اسہ وڑ اسے نا خط اس) نا اسہ بشخ اس ہم توقیع پاننگک۔ ”حسن بن حسین علی فارسی (عماد الدولہ یا عفد الدولہ دیلمی نا خوش نویس) چارمیکو کرن ہجری ٹی خطِ رقاع و توصیع آن اسہ پین خط اس مون آ ئس، ہرا ”تعلیق“ نا پن اٹ پنی مس، دنکہ مولانا جامی فرمائفک:

”کاتباں را ہفت خط باشد بہ طرف مختلف۔ ثلث ویحان و محقق، نسخ و توقیع رقاع۔ بعدازاں تعلیق آں خط است کش اہل عجم از خط توقیع استنباط کروند اختراع“ (اسحاق، 2018ء، 201)

توقیع ءِ گونڈ نویسی نا اسہ فن اس ہم پاننگانے۔

…………

کتاب آک:

اسحاق، محمد، (2018)، ”فن تحریر کی تاریخ“، بک ٹائم کراچی

اختر، سلیم، (2019ء) ”تنقیدی اصطلاحات“، سنگ میل پبلی کیشنز، لاہور

ہفتئی تلار

تاک: 35

12-18 September 2020

پنہ، 7