البدیع جل جلالہٗ

نمونہ غان بیدس گڑاءِ جوڑ کروک آ

اللہ پاک نا دا اسم مبارک قرآن پاک اٹ بھاز جاگہ استعمال مسنے دُن کہ سورة البقرہ آیت نمبر 177، اللہ پاک ارشاد فرمائفک ”بدیع السمٰوات والارض“

بدل: بے وڑِک و بے نمونہ غان آسمان و ڈغار تے جوڑ کروک آ۔ محقق عالم دینک ”بدیع“ نا معنہ ءِ دا وڑ کرینو کہ:

” بیدس نمونہ و مقام ومکان آن گڑاتے جوڑ کروک آ نئے کہ نمان نا محتاج ءِ نئے کہ استاذ نا گرج، ونئے کس انا کمک و نصرت نا گرج۔ بس ہمو کل آن بے پرواہ غا ذات ”البدیع جل جلالہٗ “ ناءِ۔

دا اسم مبارک نا بارو اٹ اِرا سِفت نوشتہ کرینو:

1۔ ”البدیع ھو المبدع الذی فطر الخلق ابتداءلاعلیٰ مثال سبق۔“

بدل:۔ البدیع جل جلالہٗ ہمو ذات ءِ، ہرا کل مخلوق ءِ بیدس نمونہ غان ودی کرینے۔

-2  ”البدیع الذی اظھر عجائب صنعتہ و غرائب حکمة“

بدل:۔ البدیع جل جلالہٗ ہمو ذات ءِ کہ تینا صنعت و حکمت نا عجائب و غرائب آتے تینا مخلوق آ پاش کے تاکہ مخلوق اونا قدرت آتے خنے و اونا عظمت آن واخب مرے۔