مسکوہی کرکٹر آک پوسکن آ گوازی گر تے آن لائن ہیل ایترہ
Get real time updates directly on you device, subscribe now.
لاہور (آن لائن) جاوید میانداد و وسیم اکرم تون است مست انا عظیم انگا کرکٹر آک ویڈیو لنک نا کمک اٹ پاکستان کرکٹ ٹیم انا ساڑی گوازی گر تے چم ہیل ایترہ۔ آن لائن سیشن نا وخت آ مسکوہی کرکٹر آتے گونڈ و مرغن وڑ انا کرکٹ اٹی پاکستان نا نمائندگی ءِ کروک کرکٹر و پوسکن بروک آورنا گوازی گر تے کورونا وائرس نا سوب آن لاک ڈاو¿ن نا دے تیٹی تینا وخت ءِ گچین و فائدئی کاریم اٹا تنگ نا بابت ہم معلومدار کیرہ۔ قومی کرکٹ ٹیم انا مینجمنٹ، پی سی بی نا انٹرنیشنل کرکٹ آپریشن نا بشخ انا کمک اٹ دا سیزن آتے اڈ تننگ اٹی ءِ۔ ہرانا آخبت نا گچین آ گوازی گر تے سختی نا دے تیٹی ہم گوازی تون گنڈوک تخنگ و بھلا گوازی گر تیان فائدہ ہرفنگ کن ءِ۔ جاوید میانداد و وسیم اکرم آن بیدس محمد یوسف، یونس خان، معین خان، مشتاق احمد، راشد لطیف و شعیب اختر اسک ہم آن لائن سیشن تا کمک اٹ پوسکن آ گوازی گر تے تینا آزموندہ غاتیان معلومدار کیرہ۔