ورنا تا کورونا وائرس ءِ سنجیدہ ہلپننگ گڑتی نا ہیت اسے،وزیر اعلیٰ جام کمال

کوئٹہ (خ ن) وزیراعلیٰ بلوچستان جام کمال خان پارینے کہ ورنا چین انا کورونا وائرس ءِ سنجیدہ ہلپننگ گڑتی نا ہیت اسے۔ تینا اسہ ٹوئٹ اسے ٹی وزیراعلیٰ پارے کہ ورناک تینے سوگو تکسا اُرا تیان پیش تمرہ۔ ولے ورناک دا ہیت ءِ پہہ مفسہ کہ اوفک ہڑدے کورونا وائرس ءِ تینا پیر انگا لمہ باوہ و اُرا نا بزرگ آتسکان سر کننگ اٹی ءُ۔ وزیراعلیٰ پارے کہ ورناک بایدے پہہ مریر کہ پیر انگا تے داخس ایمیونٹی اف کہ اوفک کورونا وائرس آن بچنگ کیر۔ وزیراعلیٰ خواست کرے کہ خدا نا پن اٹ ورناک تینا لمہ باوہ و اُرا والا پیر انگا تا خیال ءِ تخسا اُرا تیٹی مریر۔