سہ ملکی سیریز نا چارمیکو ون ڈے میچ اٹی شاداب خان نا سنچری، پاکستان انگلینڈ ءِ کٹا

راولپنڈی، سہ ملکی سیریز نا چارمیکو ون ڈے میچ اٹی شاداب خان نا شاندار آ سنچری نا بدولت پاکستان سنسنی خیز آ مقابلہ غان پد انگلینڈ ءِ کٹا،؛ پاکستان انگلینڈ نا برخلاف ٹاس ءِ کٹسا فیلڈنگ کننگ نا فیصلہ کرے، مہمان ٹیم اول گوازی کرسا 47 می اوور اٹی 241 رنز جوڑ کرسا آؤٹ مس، ہرانا ورندی اٹی پاکستان 48 می اوور اٹی 9 وکٹ آتا نسخان آ 242 رنز نا ہدف ءِ پورو کرے؛ داڑآن مست انگلینڈ تینا اننگز نا بنا ءِ کرے تو اولیکو ہی اوور نا پنچمیکو بال آ شاہین شاہ آفریدی انگلش گوازی گر ٹام بینٹن ءِ 4 رنز آ پویلین گدریفے۔