اصطلاحات نثر

تفسیر:۔ (قرآن مجید)

(Interpretion, Exegesis, Especilly Of the Quran Explanation)

عربی زبان نا لوز ”تفسیر“ نا لغوی معنہ تشریح کننگ، سرجم وڑ بیان کننگ و آسمانی کتاب آتا شرح نا ارے۔

اصطلاحی معنہ تیٹی تفسیر ہمو سرجم انگا بیان ءِ پارہ ہرا پورو وڑ اٹ سمجھ اٹی برے۔

اسلامی اصطلاح غان مراد ءِ ”تفسیر نا علم“ یعنی علم انا ہمو بشخ ہرادے ”علم القرآن“ کہ او تفسیر پاننگک۔ و او حدیثِ مبارک نا علم انا اسہ خاص ءُ بشخ اس ارے۔

قرآن مجید ہمو آسمانی کتاب ءِ ہرانا تفسیر آک دنیا نا ہر اسہ زبان اٹی ساڑی اریر۔ دن تو بے کچ تفسیر نوشتہ کننگانو، و تینا تینا وخت انا پنی آ عالم، فاضل و عالم دینک قرآن مجید نا تفسیر تے مون آ ایسنو۔

داڑے گڑاس زبان تا تفسیر تا ردو بند ءِ تننگ اٹی اُٹ:

عربی زبان:

……تنویر العقباس (عبداللہ بن عباس)

…… تفسیر کبیر (مقابل بن سلیمان البلخی)

……تفسیر طبری (محمد بن جریر طبری)

……معانی القرآن (یحییٰ بن زید فالا)

……احکام القرآن (ابوبکر بن العربی)

……مفاتیح القب (فخر الدین رازی)

……روح البیان (شیخ اسماعیل حقی البرسوی)

…… تفسیر (محمد الغزالی مصری)

…… تفسیر ابن کثیر (ابن کثیر)

فارسی زبان:۔

……تفسیر طبری (محمد بن دیر طبری)

……تفسیر نسفی (نجم الدین ابو حفص عمر بن محمد نسفی)

……تفسیر نقب الاشرف (خیغم الدین رزاق علی گیلانی)

……تفسیر المیزان (محمد حسین طباطبائی)

انگریزی زبان:۔

……معارف القرآن (محمد شفیع عثمانی)

……تفہیم القرآن (ابوالاعلیٰ مودودی/ انگریزی بدل: ظفر اسحاق انصاری)

……قرآن (مولانا عبدالماجد دریادی/ انگریزی بدل: مولانا شیر علی)

…… عرفان القرآن (ڈاکٹر طاہر القادری)

اردو زبان:۔

…… توضیع القرآن (مفتی تقی عثمانی)

…… اسرار التنزیل (امیر محمد اکرم الموال)

…… بیان القرآن (مولانا اشرف علی تھانوی)

……کنز الایمان (امام احمد رضا خان بریلوی)

……معارف القرآن (علامہ محمد ادریس کاندھلوی)

…… تفسیر قرآن (علامہ عبید اللہ سندھی)

……ضیاء القرآن (پیر محمد کرم شاہ الازہری)

……بیان القرآن (ڈاکٹر اسرار احمد)

براہوئی زبان:۔

……تفسیر السلطان المعروف (حافظ سلطان احمد)

……تفسیر مفتاح البیان / تفسیر علم علم انا بال (مولانا محمد عمر دین پوری)

…… تفسیر اختریہ (مولانا محمد اختر مینگل)

…… کشف القرآن (مولانا محمد یعقوب شرودی)

٭٭٭

صحابیؓ:۔

(Companion, Especially Prophet SAW)

صحابی لوز ”صحبہ“ غان ہلوک ءِ۔ ہرانا معنہ دوست، سنگت، و خڑکی تخوک آ۔ یعنی ”صحبت“ والا۔ (صحابہ، صاحب نا جمع ءِ، ہرا کہ دوست و سنگت کن ہم کاریم اٹ بریک)

اصطلاحی معنہ غاتیٹی صحابی ہمودے پارہ ہرا تینا ایمان نا حالیت اٹ خواجہ مبارکؐ ءِ خنانے۔ اوڑتون ملانے و ایمان اٹی اونا مرک مسنے۔ او صحابیؓ پاننگک۔

تابعی:۔

(A Muslim Who Joined the Company of Phorophets SAW Companion & Died as a Muslim)

”تابعی“ نا لغوی معنہ ہیت منوک و پابندی کروک ءِ۔ محدث آتا اصطلاح ٹی ہمو مسلمان کہ ہرا خواجہ مبارکؐ نا اسہ صحابی اسے خنانے، اوڑتون ملانے، یا کہ اوڑان فیض دوئی کرینے، و مومن، اونا موت ہم ایمان نا حالیت اٹ مسنے، او ”تابعی“ پاننگک۔

حدیث:۔ (Hadith)

”حدیث“ نا لغوی معنہ پاکی، بے عیب، برکت والا و پوسکن آ ہیت، خبر، بیان ءِ۔

اصطلاحی معنہ غاتیٹی حدیث ہمو ہیت، خبر، بیان، یا ہمو قول و فعل ہرانا نسبت خواجہ مبارک حضرت محمدؐ نا کنڈ آ مرے، تو او حدیث پاننگک۔ یعنی خواجہ مبارکؐ نا ہمو ہیت و تران ہرادے خواجہ مبارکؐ تینا دوی مبارک آن فرمائفینے، یا کہ ہمو فعل ہرا خواجہ مبارکؐ نا مون آ مس، و خواجہ مبارکؐ اوڑان منع فرمائفتو، او ”حدیث“ اٹ بریک۔

سند:۔ (حدیث سند)

(Proof, Evidence, Writtern Authority)

”سند“ نا لغوی معنہ، تصدیق، پک، پک کاغد، دستاویز، پت مننگ کروک، نوشتہ مروک شاہدی و متبر ءِ۔

اصطلاحی معنہ غاتیٹی حدیث مبارک اسے نا متن (حدیث نا اصل عبارت و لوز آک) آن مست راوی تا ہرا کہ بھلا و خاص انگا سلسلہ مریک، اودے علم حدیث اٹی ”سند“ پاننگک۔

حدیث مبارک نا سند یعنی اونا تصدیق و شاہدی کن اِرا خاص ءُ گڑا بھاز المی ءُ۔

”اسٹ راوی تا پنک، و ایلو صیغہ نا ادائی“۔ (عباسی، 2015ء)

ہندا صیغہ ٹی اول آن اخیر اسکان راوی تیٹی خڑکی (ربط) و اصول حدیث (اتصال) یعنی اسہ حدیث اسے نا راوی تا پن تا ذکر ءِ کننگک، کہ حدیث نا سند پک مرے و او اسہ وڑ اسے نا بے معنہ ہم مف۔

سند نا اصطلاحی معنہ دا ہم ارے کہ مشی آ بُٹ، و بڑزی، یعنی راوی تینا ہیت ءِ اخریکو کچ اسکان سر کیک، ہرا اخس کہ بڑز کاہے کاہے۔ صحابہ کرامؓ آتا زمانہ ٹی ہر اسہ روایت کن دا قاعدہ و اصول ئس کہ راوی آن اونا شاہدی خواہنگاکہ۔

ہندن تابعینؒ تا زمانہ ٹی ہم بیرہ شاہدی گنج اس اَلوکہ، و ہندا سوب آن ”سند“ نا سلسلہ اڈ تننگاسس، دن کہ پروفیسر ڈاکٹر عبدالمجید خان عباسی پاہک:

”پہلے لوگوں سے محدثین اسناد کے بارے میں سوال نہیں کرتے تھے، پھر جب فتنہ واقع ہوا تو انہوں نے یہ کہنا شروع کر دیا کہ اپنے راویوں کے نام بتاؤ، تاکہ دیکھا جائے کہ جو اہل سنت ہیں، ان سے احادیث لی جائیں، اور جو اہل بدعت ہیں، ان سے نہ لی جائیں۔“ (عباسی، 2015)

…………

کتاب آک:۔

عباسی، عبدالمجید خان، (2015)، ”اصول تنقید“، نیشنل بک فاؤنڈیشن، اسلام آباد

ہفتئی تلار
تاک: 26
16-10 جولائی 2021ء
پنہ: 08