نبیؐ فرمائفے، ہراڑے طاعون مس اوکان پیش تمپبو، خطبہ حج

0

Get real time updates directly on you device, subscribe now.

میدان عرفات: امام کعبہ شیخ بندر بن عبدالعزیز پارینے کہ نبیؐ فرمائفے، ہراڑے طاعون مس اوکان پیش تمپبو، اللہ ڈغار آ پھسات کروک آتے دوست تورپک، بریبری و ہمدردی نا تعلقداری جوڑ کبو، آخبت مومن تا ءِ، اللہ کس انا خواری ءِ پوک کپک، اللہ نا عبادت ءِ کبو و لمہ باوہ غا تورو کبو، راج اٹ بریبری ءِ پک کبو، تین پہ تین بد بیسئی و خار ءِ چٹفبو، اللہ نا رضا کن ایلوفتا بشخبو، اللہ غان خلبو، و تینا نماز آتا رکھ ءِ کبو، تینا قول آتے اللہ نا رضا کن پورو کبو، اللہ نا رحمت آن ہمو نا اومیت مریک ہرا غرہ مرے، اللہ نا چِٹ ءِ سوگو توربو، و تفرقہ غاتیٹی تمپبو، میدان عرفات اٹی مسجد نمرہ غان خطبہ حج ترسا امام کعبہ پارے کہ اللہ فرمائفے کہ کنے آن بیدس کس ءِ توار کپبو، و کس ءِ کن تون شریک کپبو، رسولؐ فرمائفے، نم ڈغار والا تیا رحم کبو، اللہ نمے آ رحم کیک، امت بایدے اسہ ایلو تون شفقت کے، اللہ کریم پارینے کہ کنا رحمت کنا عذاب آ زور ءِ، رسول فرمائفے، جنت اٹی اللہ نا رحم و فضل آن بیدس کس پترینگ کپک۔ امام کعبہ خطبہ حج اٹی پارے کہ اللہ دنکہ نمے آ تورَو کرے، ہندن نم مخلوق آ کبو۔ اللہ نا رحمت تورَو کروک آتاین خڑک ءِ، اللہ لمہ باوہ تون جوانی کننگ نا پرمان کرینے۔ اللہ نا پرمان ءِ کہ لمہ باوہ غان پد تینائی تتون جوانی اٹ پیش ببو۔ رسولؐ فرمائفے کہ تینا ملازم آتیا تورَو کبو۔ نم کن کتاب راہی کننگانے کہ نم گمارنگ نا کسر ءِ خنبو۔ اللہ ہرکس ءِ خواہک گمارک،۔ تینا نفس انا تزکیہ و تقویٰ ءِ دوئی کبو۔ تینا رب انا ہندن عبادت ءِ کبو کہ اللہ نمے ہُننگ ءِ۔ امام کعبہ پارے کہ اللہ زمین آ پھسات کروک آتے دوست تورپک، قرآن اٹی فرمائفنگانے کہ اللہ نا چِٹ ءِ سوگو توربو، و تفرقہ کپبو۔ امام کعبہ پارے کہ اللہ غان خلبو، و تینا نماز آتا رکھ ءِ کبو و تینا قول آتے اللہ نا رضا کن پورو کبو۔ اللہ تعالیٰ فرمائفے کہ شیطان نمے غرّہ کننگ نا کوشست کیک، اگہ اللہ نا فضل متوکہ تو کل شیطان نا رند اٹ ہنارہ۔ رسول اللہؐ فرمائفے، جنت اٹی اللہ نا رحم و فضل آن بیدس کس پترینگ کپک۔

Get real time updates directly on you device, subscribe now.

Leave A Reply

Your email address will not be published.