شیرزال
امیرعباس بلوچ
Get real time updates directly on you device, subscribe now.
نی وطن نا شیرزال
ہمت ءِ نا با کمال
ندر گوری نے آ شال
نا دلیری بے مثال
سگ انا نی مَش تلار
سدخہ ای نا جہد اکن
پلو اٹ نا جوزہ غاک
سوگوی نا چیدہ غاک
خاکی آ دا خوڑدہ غاک
غیرتی آ کِسہ غاک
سگ انا نی مش تلار
سدخہ ای نا جہد اکن
انقلابی آ تران
فکر اسے تو بس روان
مزّل آتا ڈس گمان
نے سلام ءِ اِیڑھ جان
سگ انا نی مش تلار
سدخہ ای نا جہد اکن
نی چِراغ اُس روشنی
نی شعورو آگہی
راج ءِ تسس بادوی
ظلم زور ءِ پِرغہ نی
سگ انا نی مش تلار
سدخہ ای نا جہد اکن
مہلب و ماہ رنگ نی
حق اسے کن جنگ نی
راستی نا دنگ نی
نی حیا بس ننگ نی
سگ انا نی مش تلار
سدخہ ای نا جہد اکن
ایلم آتا توکل اُس
نی دلیر آ ہکل اُس
صبر انا اے مشعل اُس
دشمن آ تے کن خل اُس
سگ انا نی مش تلار
سدخہ ای نا جہد اکن
ہفتئی تلار،
تاک26
04 July 2020
پنہ، 2