دَین نا حالیت اٹ اولمپکس نا اڈ تننگ ممکن اف‘یوشیرو موری

ٹوکیو (مانیٹرنگ ڈیسک) ٹوکیو اولمپک آرگنائزنگ کمیٹی نا صدر یوشیرو موری پارینے کہ شیدائی تیان بیدس اولپمکس نا اڈ تننگ گوازی تا روح انا برخلاف ءِ وخت اس کہ وبائی حالیت اٹ اولمپکس نا اڈ تننگ ممکن خننگپک۔ تدوک آ دے تروک آ تینا اسہ انٹرویو سے ٹی او پارینے کہ ننے دا وڑ نا فیصلہ کننگ آن مست سوچوئی تمک انتئے کہ اگہ شیدائیک گوازی تیٹی بشخ ہلنگ کپسہ تو دانا مزہ انت مریک۔ یات سلے کہ تینا اسہ انٹرویو سے ٹی انٹرنیشنل اولمپک کمیٹی نا کماش تھامس بیچ پاریسُس کہ ٹوکیو گیم تا اڈ تننگ شیدائی تا کچ ءِ کم کننگ آ غور کننگ انگ ءِ۔ داڑا تبصرہ کرسا ٹوکیو گیم تا چیف پارینے کہ تھامس بیچ داوڑ نا بیان اس سخت ءُُ حالیت اسے ٹی تسنے۔ یوشیرو موری کورونا وائرس نا حالیت آ ہیت کرسا پارینے کہ اگہ دَین ہندن سلیس تو اولمپک گیم تا اڈ تننگ ناممکن مریک۔ گوازی تا کاریم تا بنا بیرہ حالیت آتا جوانی و ویکسین نا جوڑ کننگ تون گنڈوک ءِ۔