ڈبلیو ٹی اے کینٹکی اوپن ٹینس ٹورنامنٹ 10 اگست آن بنا مریک

0

Get real time updates directly on you device, subscribe now.

واشنگٹن (مانیٹرنگ ڈیسک) سال انا چارمیکو و گڈیکو گرینڈ سلام یو ایس اوپن آن مست ڈبلیو ٹی اے کینٹکی اوپن ٹینس ٹورنامنٹ 10 اگست آن امریکہ نا سویل اٹ کینٹکی نا ہند آ گوازی کننگک۔ ٹورنامنٹ انتظامیہ نا رداٹ ڈبلیو ٹی اے ایونٹ ہارڈورکورٹ آ گوازی کننگک ہرانا سرسہبی ٹی اڈ تننگ نا تیاریک برجا ءُُ۔ ٹورنامنٹ اٹ دنیائے ٹینس نا پنی آ ٹینس ٹائٹل نا دوئی کننگ کن ایکشن اٹ خننگرہ۔ ٹورنامنٹ اٹ امریکہ نا شہرہ آفاق ٹینس اسٹار و مسکوہی جہانی نمبر ون سرینا ولیمز پارینے کہ او بروک آ تُو اٹ کینٹکی اوپن ٹینس ٹورنامنٹ گوازی کیک۔ ٹورنامنٹ انتظامیہ تدوک آ دے دا ہیت ءِ پک کرسا پارینے کہ سرینا ولیمز اگست اٹ کینٹکی ٹی اسہ پُوسکن ءُُ ڈبلیو ٹی اے ہارڈورکورٹ ٹورنامنٹ اٹ پدی بریک۔ کینٹکی اوپن ٹینس ٹورنامنٹ 10 اگست آن بنا مریک ہراٹی شش وار سال انا چارمیکو گرینڈ سلام یو ایس اوپن نا سرسہب آ سرینا ولیمز و 2017ء ٹی یو ایس اوپن ٹینس ٹورنامنٹ کٹوک آ امریکی ٹینس سٹار سلونی سٹیفنز ڈبلیو ٹی اے گوازی ولدا بنا مننگ آ پِڑ ات ایکشن اٹ خننگک۔ ٹورنامنٹ 10 اگست آن بنا مرسا ہفت دے اسکان برجا سلنگ آن پد 16 اگست آ چٹک۔

Get real time updates directly on you device, subscribe now.

Leave A Reply

Your email address will not be published.