انگلینڈ نا برخلاف سیریز نا ٹریننگ آتیکن قومی ٹیم نا اینو ولدا اِرا سیشن اٹ پریکٹس
Get real time updates directly on you device, subscribe now.
لندن (مانیٹرنگ ڈیسک) انگلینڈ نا برخلاف ٹیسٹ سیریز نا ٹریننگ آتیکن قومی ٹیم اینو ہم اِرا سیشن تیٹی پریکٹس کیک۔ اسہ کنڈ آ محمد عامر نا ارٹمیکو کورونا رپورٹ نا بننگ نا انتظار ءِ، کلیئرنس تون اوار مانچسٹر آ راہی مننگ نا تیاری تے بنا کیک۔ ڈربی شائر اٹ قومی کرکٹ ٹیم اینو ہم 2 سیشن اٹ ٹریننگ کیک، پریکٹس اٹی گوازی گرک بیٹنگ، باؤلنگ، فیلڈنگ و فزیکل فٹنس کن اِن ایکشن مریرہ۔ ایلو کنڈ آ لاہور اٹ آزموندہ کار آ باؤلر محمد عامر نا ارٹمیکو کورونا نیگیٹو رپورٹ نا بننگ نا انتظاری ءِ۔ تدوک آ دے قومی ٹیم نا ٹریننگ بنا مسوسُس، اِرا سیشن تیٹی شیڈول پریکٹس اٹی گوازی گرک فزیکل فٹنس آ بھاز سجفیر و گوازی نا گُر آتے ہیل کریر۔ مصباح الحق تون اوار کوچنگ اسٹاف نا نگرانی ٹی پریکٹس میچ انا خامی تے مُر کننگا۔