فٹبال انگلش پریمیئر اٹ لیورپول 30 سال آن پد ٹرافی ءِ دوئی کرے
Get real time updates directly on you device, subscribe now.
لندن (مانیٹرنگ ڈیسک) فٹبال انگلش پریمیئر اٹ لیورپول چیلسی نا برخلاف 5-3 اٹ سرسہب مرسا ریکارڈ اٹ 30 سال آن پد ٹرافی ءِ دوئی کریر، خالی اسٹیڈیم اٹ جوان خوشی کریر، آتش بازی آن خوشیک پین جوان مسر۔ اینفیلڈ نا خالی اسٹیڈیم اٹ بھلو فٹبال میلہ اس لگا ہرادے لیور پول تینا پن آ کرے۔ گول انا زی آ گول کریر، 30، 38، 43 و 54 ولدا 84 منٹ اٹ گول اس کرے۔ حریف ٹیم جوان مقابلہ کرے و ولے بیرہ مسہ گول اسکور کرے۔ 5-3 انا سرسہبی آ میچ ایسر مس، ٹرافی نا ملنگ نا دود اٹ گوازی گرک جوان خوشی کریر۔ سی سال آن پد انگلش پریمیئر لیگ ٹرافی ءِ ہرفنگ نا تُغ پورو مس تو گوازی گر و آفیشل آک بھاز خوش ئسر۔ لاک ڈاؤن نا سوب آن شیدائیک اسٹیڈیم نا خوشی تیان تو محروم سلیسر ولے پولیس نا نگرانی ٹی روڈ آتیا بھاز موج مستی کریر، آتشبازی آسمان آ ہم خوشی نا رنگ آتے تالان کرے۔