بلوچستان کابینہ نا دیوان، وزیر اعظم نا یو این اسمبلی تران نا ستا

حکومت کرپشن ءِ زیرو ٹالیرنس پالیسی آ عمل کننگ ءِ، امن ایمنی، تعلیم، و ایلو بنداوی بشخ آتے اولیت تننگ انگ ءِ، کابینہ دیوان آن پد بریفنگ

کوئٹہ : نگران صوبائی حوالکاری وزیر جان اچکزئی پارینے کہ حکومت امن ایمنی ءِ پک کننگ کن پبی گام گیج کننگ اٹی ءِ، کابینہ کینسر وارڈ کن فنڈ و پسنی فش ہاربر نا فزیبلٹی رپورٹ جوڑ کننگ نا ہم منظوردی ءِ تس۔ دا ہیت آتا درشانی ءِ او دوشنبے نا دے نگران کابینہ نا دیوان اٹ مروک فیصلہ غاتا بابت وزیر اعلیٰ سیکرٹریٹ اٹی میڈیا ءِ بر یفنگ ترسا کرے۔ دا وخت آ نگران وزیر اعلیٰ بلوچستان نا پریس سیکرٹری شیخ عبدالرزاق ہم ساڑی ئس۔ صوبائی حوالکاری وزیر پارے نگران وزیر اعلیٰ بلوچستان نا کماشی ٹی مروک کابینہ نا دیوان اٹی نگران وزیر اعظم پاکستان انوار الحق کاکڑ نا اقوام متحدہ نا جنرل اسمبلی ٹی پاکستان نا موقف ءِ پیدوار پیش کننگ نا ستا کننگا۔ او پارے کہ حکومت کرپشن ءِ زیرو ٹالیرنس پالیسی آ عمل کننگ ءِ، امن ایمنی، تعلیم، و ایلو بنداوی بشخ آتے اولیت تننگ انگ ءِ،

وزیر اعظم پاکستان نا کند آن کوئٹہ گرین بس سروس کن 100 پین بس بھاز زُو بلوچستان حکومت ءِ تننگرہ، جان اچکزئی

او پارے کہ وزیر اعظم پاکستان نا کند آن کوئٹہ گرین بس سروس کن 100 پین بس بھاز زُو بلوچستان حکومت ءِ تننگرہ، داکان مست نگران وزیراعلیٰ بلوچستان میر علی مردان خان ڈومکی نا کماشی ٹی اڈ ہلوک نگران صوبائی کابینہ نا ارٹ میکو دیوان اٹی کابینہ بلوچستان چاگڑد رکھ ایکٹ 2012نا سیکشن 32 نا ذیلی نا سیکشن 1 نا رداٹ تعلقدار محکمہ ءِ مجسٹریٹ نا واکداری تے تننگ نا منظوری ءِ تس نگران کابینہ شیخ زید ہسپتال کوئٹہ ٹی انڈس ہسپتال نا کمک اٹ جوڑ کروک پیڈز آنکالوجی کن فنڈ جاری کننگ نا منظوری ءِ تننگا کابینہ دیوان اٹی داہیت آ امنا کننگا کہ غٹ السی وڑنا ڈٹ آتے سرکاری کہول آ کمک فراوان کننگک وخت اس کہ داڑتون اوار اوار مچ آ صوبہ ٹی شری کیئر ہسپتال آتے ہم پین گچین کننگک کابینہ محکمہ سائنس اینڈ انفارمیشن ٹیکنالوجی نا کنڈآن بلوچستان نا اولیکوکلاؤڈ پالیسی 2023 نا بابت کمیٹی نا جوڑ کننگ نا فیصلہ کرے ہندا کمیٹی اولیکو کلاؤڈ پالیسی آ پورو سجفنگ آن پد اودے بروک آ کابینہ نا دیوان اٹی پیش کیک کابینہ محکمہ ڈٹ بندی و شونداری نا کنڈآن پروجیکٹ ڈائریکٹر، پروجیکٹ سٹاف و پروجیکٹ مینجمنٹ یونٹ نا جوڑ کننگ نا ترمیم مروک پالیسی نا منظوری ءِ تس۔ یات سلے کہ ہندا پالیسی نا منظوری پلاننگ کمیشن آف پاکستان نا راہشون اصول آتے مون آ تخسا تننگانے۔ کابینہ داہیت آہم امنا کرے کہ پروجیکٹ ڈائریکٹر آتا تعیناتی کن نجی بشخ آن میرٹ و اہلیت نا بنداو آ افرادی قوت نا بھرتی ءِ اولیت تننگک کابینہ پسنی فش ہاربر نا پورو بحالی کن ہندا ہاربر ءِ پبلک پرائیویٹ پارٹنر شپ و بی او ٹی وڑآ فعال کننگ تون اوار ایلو تعلقدار جزیہ غاتا جاچ ءِ ہلک وکابینہ اسیجائی وڑاٹ امنا کرے کہ دا بابت نگراں صوبائی حکومت تینا دائرہ اختیار اٹ رہینگسا فیصلہ کیک کابینہ فیصلہ کرے کہ کوئٹہ شار اٹی سولڈویسٹ مینجمنٹ نا نظام ءِ گچین کننگک۔ و غٹ محکمہ غاتا زیرالتواء رولز آتے تعلقدار فورم آن ویٹ مننگ آن پد کابینہ ٹی منظوری کن پیش کننگک کابینہ دیوان آن تران کرسا نگران وزیراعلیٰ پارے کہ کابینہ دیوان اٹی زیرالتواء محکمہ جاتی باندات آتتون اوار السی فائدہ و بست و بندی باندات آتا بابت فیصلہ غاک کننگار، و ننا کوشست ءِ کہ نگران حکومت ءِ اخس کہ وخت ملانے اوٹی بلوچستان نا الس کن اخہ در مننگ کرے گچینی کن عملی گام گیج کیک تانکہ اوفتیان براہ راست لس بندغ ءِ فائدہ ملنگ کے، اوپارے کہ بلوچستان کابینہ امنائی سلاہ اٹ اہم فیصلہ غاتا منظوری ءِ تسنے ہرانا مسخت گچین طرز حکمرانی نا کنڈا اسہ گام اسے تانکہ حکومت نا گچین گام گیج آتا بھرم تیان الس فائدہ ہرفنگ کے۔

(آن لائن/اے پی پی)