اصطلاحات نثر(48)

علم نفسیات:۔ (Psychology)

Psychology یونانی نا اِرا لوز آن پیش تمانے، اسٹ Psyche و ایلو Logos ءِ۔ اولیکو لوز Psyche کہ ہرانا اماخذ Psukhe نا لوز ءِ، دانا معنہ ”ساہ یا ہروہ“ (Breath or soul) ءِ۔ و ارٹمیکو لوز Logos ءِ، ہرانا معنہ ”منطق“ ہلنگک۔ ”سائنس نا دورباری آن مست انت اس کہ ساڑی علم آک ئسرہ، اودے لس وڑ اٹ ”منطق“ پاننگاکہ، ہندا رد اٹ علم نفسیات یعنی Psychology ءِ ہم ”ہروہ نا علم“ پاننگا۔ دن کہ یونان نا پنی آ فلسفی ارسطو نا کتاب “De Anima” ٹی دانا ذکر ملک۔“ (ہاشمی، 2013)

ہندا ڈَول دہمیکو کرن اٹی Psychology نا زی آ سائنسی بنداو آ آزموندہ کننگا۔ 1693ء اٹی انگریزی زبان اٹی Psychology نا لوز ءِ ولیم ہارولے (1578-1657) کاریم اٹ ایس۔ 1727ء ٹی Psychology و Psychological کون آ لوز آک مون آ بسر۔ 1776ء آن اینو اسکان دا لوز یعنی Psychology چندی علم آتا کیرغ آن تینا ہاٹی، معنہ و مفہوم ءِ شابیت کرسا تینے اینو نا جدید سائنسی میڈیکل پڑ آ سوگو تخانے۔

علم نفسیات نا تعریف:۔

دن کہ بڑز بیان کننگا کہ نفسیات نا علم آن بنا ٹی ”ہرہ و علم“ انا معنہ ہلنگاکہ۔ دے اس کہ یورپ نا جاگیری آ پس چاگڑد اٹی ”ہروہ و تصور“ اسہ مذہبی ءُ رنگ اسے ٹی اوڑدہ کرسا درشان کننگا۔ ہرا تینا بنداوی علمی گرج آتے پورو کننگ کتوکہ۔ ولدا ہروہ نا جاگہ غا ”ذہن“ ءِ نفیسات نا بُن گوندنگا۔

ولے ہراتم کہ یورپ اٹی جاگیری آ نظام نزور مس، و ختمی نا پارہ غا گام تخا، تو پدا سائنس نا دورباری بس تو ”ذہن انا تصور“ءِ نفسیات کن غیر سائنسی گوندنگا۔ و دا پاننگا کہ ”ہروہ غانبار ذہن انا مشاہدہ کننگ مفک۔“

”ہندن پدا نفسیات نا رد اٹ انسان نا ’ذہن نا عمل‘ نا سائنسی وڑ تیٹی مطالعہ کننگ بنا کرے، و دا وڑ تے ”شعور نا علم“ گوندنگا۔ شعور ناعلم انا تعریف ءِ نوزدمیکو کرن اٹی جرمنی نا ماہر نفسیات ولہلم ونٹ (1832-1920) کریسس۔

ولہلم ونت نا نفسیات کن کروک آ تعریف ءِ بیستمیکو کرن اٹی، یعنی ”شعور نا علم“ ءِ ہم غیر سائنسی گوندنگا۔

ہندن امریکہ نا ماہر نفسیات واٹسن (1878-1958) نفسیات نا علم ءِ ”مشاہدہ کڑزوک“ نا رد اٹ اونا مطالعہ کننگ و تجزیہ غاتے مون آ تخنگ ءِ المی گوندا۔ واٹسن ”ذہن و شعور“ کون آ بنداوی عنصر آتے اسہ کنڈ تخا۔“ (ہاشمی، 2013)

اونا خیال ئسکہ کہ نفسیات نا علم اسہ مخصوص ءُ مطالعہ اسے نا بنداو ءِ، اونا تجزیہ مننگ کیک، نفسیات نا علم انا بابت منہ نفسیات نا چاہندار اس تینا خیال آتے دن درشان کرینو:

”نفسیات وہ سائنس ہے جو کہ انسانی دماغ کی ذہنی سرگرمیوں کے قوانین کا انکشاف کرتی ہے۔“ (روبن سٹائن، روسی ماہر نفسیات)

”نفسیات وہ سائنس ہے جو قابل کردار اور اس کے کردار کے عضویہ کے باطنی عوامل اور ماحول کے بیرونی واقعات کا باقاعدہ مطالعہ ہے۔ اور یہ اس کی تشریح بھی کرتی ہے۔“ (کاگان/ ہیومن، امریکی ماہر نفسیات) (ہاشمی، 2013)

کتاب:۔ ہاشمی، حمید/ جعفر، رفیق(2013)، ”نفسایت“، اردو سائنس بورڈ

ہفتئی تلار
تاک: 11
19-13 فروری 2021ء
پنہ: 04