المؤمن

عالم دینک دا اسم انا بارو اٹ نوشتہ کرینو کہ ”المومن جل جلالہء پک (تصدیق)کروک آ ہم مریک، ولے دا معنہ ٹی بھاز آ مطلب آک بریرہ، ہموفتان اِرٹ دادو۔

.iالمومن جل جلالہء ہمو ذات کہ ہرا تینا بندغ آتون کروک آ قول آتے پورو کے، یعنی دنیا ٹی تینا قول انا رد اٹ پورو پورو رزق ایتک، ہمونا کہ ازل آن قول کرینے۔ و آخرت اٹ نیک انگا عمل آتا پورو پورو بدلہ ءِ ایتک۔

.ii ارٹمیکو مطلب دادے کہ المومن جل جلالہء ہمو ذات کہ تینا بندغ آتا گمان نا رد اٹ نعمت عطا کیک، و اوفتے نا اومیت کپک، و آخرت اٹ بندغ آتا جوان انگا عمل آتا پورو بدل ءِ ایتک، کہ دانا ہم قول کرینے۔ ایلو دا کہ بندغ ہرا گمان ءِ اللہ تعالیٰ نا بارو اٹ تخک، تو او مہربان آ ذات اونا گمان نا ردا ٹ عطا کیک۔

دنیا ٹی اگہ اِرا جتا ءُ خیال، چَپ تَب (متضاد الطبع) آ گڑا تیٹی امن خننگک، تو اصل اٹ اللہ تعالیٰ نا اسم ”المومن جل جلالہء نا برکت ءِ۔ ہندن اگہ اسہ نزور ءُ ہزوہ اس (دوی یعنی زبان) سی ’کاچو‘ یعنی دنّان تا نیام اٹ امن اٹ ارے، تو دا المومن جل جلالہء نا معنہ نا برکت ءِ۔

ہندن سیدنا ابراہیم ؑ ہرا وخت آ مکہ مکرمہ نا آبادی کن دعا خواہس پارے ”اے کنا رب دا شار اٹی امن کیس“۔ دا دعا نا نتیجہ ٹی ”المومن جل جلالہء نا راز ڈکوک ارے نہ تو دا دعا ٹی حضرت ابراہیمؑ ”امن“ نا لوز انا جاگہ غا پین لوز اس ہم پاننگ کریکہ۔

ہفتئی تلار،

تاک26

04 July 2020

پنہ، 1