بلوچستان، میٹرک و انٹرمیڈیٹ نا طالب علم آتے ایلو جماعت آتے ٹی پروموٹ کننگا
Get real time updates directly on you device, subscribe now.
کوئٹہ (آن لائن) بلوچستان بورڈ آف انٹرمیڈیٹ اینڈ سیکنڈری ایجوکیشن میٹرک و انٹرمیڈیٹ نا مار ومسڑ طالب علم آتے ایلو جماعت آتے ٹی پروموٹ کرے۔ بلوچستان بورڈ آف انٹرمیڈیٹ اینڈ سیکنڈری ایجوکیشن نا چیئرمین محمد یوسف بلوچ نا دستخط آن جاری کروک نوٹیفکیشن نا رد اٹ 14مئی آ اڈ ہلوک بین الصوبائی وزرائے تعلیم کانفرنس نا 17می دیوان نا سلاہ و مجاز اتھارٹی نا پیشگی منظوری اٹ بلوچستان نا میٹرک و انٹرمیڈیٹ نا مار ومسڑ طالب علم آتے پروموٹ کننگانے‘ نوٹیفکیشن نا رد اٹ کلاس نہم و 11می جماعت نا کل مار ومسڑ طالب علم آتے دہم و 12می جماعت اٹ پروموٹ کننگانے‘ دہم و دوانزدہ می جماعت اٹ ترقی کروک مار ومسڑ طالب علم آک 2021 اٹ امتحان تفسہ‘نہم و 11می جماعت اٹ پروموٹ مروک آک بیرہ دہم و 12جماعت نا امتحان تننگ کیرہ‘ نہم و یانزدہ جماعت نا نمبر آک ہم 2021 ءاٹ پرفارمنس نا بنداو آ تننگرہ،گریڈ دہ و دوانزدہ نا مار ومسڑ طالب علم ہرافک گریڈ 9 و 11جماعت اٹ غٹ مضمون تے پاس کرینو اوفتے دہم و12جماعت اٹ نہم و 11می جماعت نا کارکڑد نابنداو آ پاس کننگک و تدوک آ امتحان اٹ دا کل طالب علم آتے کل اٹ ودکی 3 نمبر رسینگک‘ دہم و 12 می جماعت نا امتحان تے ٹی 40درسَد اسکان فیل مروک آتے 33درسَد نمبر تننگک، مخصوص امتحانک کورونا وائرس نا حالیت نا جوان مننگ آن پد ہلنگرہ۔ نوٹیفکیشن نا رد اٹ اسپیشل امتحان اٹ ہم وہرا تینا گریڈ آن است جم افس و امپورومنٹ تننگ خوارہ یا اوفتا ہچ ءُ گریڈ اس اف یا گڑا او خاص ءُ مضمون اٹ امتحان تننگ خوارہ یا گڑا 40درسَد آن زیات فیل ءُ خصوصی امتحان تے ٹی تولنگ کیرہ‘ اوفتا امتحانی فیس ءِ اسپیشل امتحانی فیس اٹ اوار کننگک۔