وزیراعلیٰ بلوچستان میر سرفراز بگٹی نا نائب وزیراعظم اسحاق ڈار اتون اوڑدہی
اسلام آباد، اسپیکر قومی اسمبلی سردار ایاز صادق و وزیراعلیٰ بلوچستان میر سرفراز احمد بگٹی دفترِ خارجہ ٹی نائب وزیراعظم و وزیر خارجہ سینیٹر محمد اسحاق ڈار اتون اوڑدہی کریر، ہراٹی بلوچستان نا شونداری ڈٹ تا، السی آسراتی تا جوانی و بنجائی و صوبائی حکومت تا نیام اٹی کٹیفنگوک کمکاری نا شون تیاں تعلقدار باندات آتیا ہیت و گپ کننگا؛ اوڑدہی نا نیام اٹی بلوچستان اٹی برجا شونداری ڈٹ تا و السی فلاح و بہبود نا گام گیج آتیا گپ و تران کرسا صوبہ نا شونداری گرج تا و الس ءِ گچین آسراتی تا فراوانی کن بنجائی و صوبائی حکومت تا نیام اٹی خُڑک رابطہ کاری و کمکاری نا اہمیت آ زور تننگا؛ دا وخت آ بلوچستان اٹی امن و امان نا جم حالیت تا ہم جاچ ءِ ہلنگا و مدامگی امن نا قیام، الس نا جان و مال نا رکھ و امن و سوگوی کن بنجائی و صوبائی حکومت تا اسیجائی کوشست آتے برجا تخنگ نا ارادگی نا اعادہ ءِ کننگا۔