ڈپٹی کمشنر جھل مگسی سید رحمت اللہ شاہ نا صدارت اٹی ڈسٹرکٹ ایجوکیشن گروپ (DEG) نا ماہانہ جاچ دیوان
جھل مگسی، ڈپٹی کمشنر جھل مگسی سید رحمت اللہ شاہ نا صدارت اٹی ڈسٹرکٹ ایجوکیشن گروپ (DEG) نا ماہانہ جاچ دیوان اس اڈ ہلک، ہراٹی ڈسٹرکٹ ایجوکیشن آفیسر جھل مگسی میڈم قرت العین مگسی و محکمہ تعلیم نا ایلو تعلقدار افسراک بشخ ہلکر؛ دیوان نا نیام اٹی ضلع جھل مگسی ٹی تعلیمی ادارہ تا جم حالیت، استاد تا حاضری، تعلیمی آب، حاضری و ایلو تعلقدار باندات تا سرجم جاچ ءِ ہلنگا؛ ڈپٹی کمشنر سید رحمت اللہ شاہ پدریسہ غیر حاضر مروک آ استاد تا برخلاف سخت کارروائی عمل اٹی اتنگ نا احکامات جاری کرسا تعلقدار کمامدار آتے پارت کرے کہ دن انگا استاد آتے دمدستی وڑ اٹ ورندی خواہی نا نوٹس جاری کننگے،وخت اس کہ غیر حاضری ثابت مننگ نا حالیت اٹی تنخواہ اٹی کٹوتی، تنخواہ بند کننگ و قواعد و ضوابط نا رِد اٹ ایلو محکماتی کارروائی عمل اٹی اتنگے۔