الرشید جل جلالہٗ
کل انا راہشون
Get real time updates directly on you device, subscribe now.
دا اسم مبارک نا بارو اٹ عالم دینک اِرا سِفت نوشتہ کرینو
۔۱۔ شان الدعا پنی آ کتاب نا 96 میکو پنہ غا دا وَڑ نوشتہ ءِ
“الرشید جل جلالہٗ ارشد الخلق الی مصالحتھم ۔”
مَٹ: الرشید جل جلالہٗ ہمو ذات ءِ کہ مخلوق نا راہشونی ءِ اوفتا جوان انگا کاریم تیٹ کیک۔
“۔۲۔ “الرشید جل جلالہٗ الذی اسعد من شاءبارشادہ اشقی من شاءبعبادہ۔
مَٹ:”الرشید جل جلالہٗ ہمو ذات ءِ کہ تینا مے تیان ہراسٹ ءِ کہ خواہس اودے نیک انگا کسر آ شاغک و نیک بختی نصیب کیک تے، و ہراسٹ ءِ کہ خواتو اودے تینے آن مر کیک، بخت ءِ اونا کم کیک۔”
ہندا گدرینگوک آ سِفت اٹ دا لوز آک ہم نوشتہ اریر، ہمو لوز آک دادو:
“و قیل الرشید جل جلالہٗ الذی لا یوحد سھوفی تدبیرہ ولا لھو فی تقدیرہ۔”
مَٹ: الرشید جل جلالہٗ ہمو پاک ذات ءِ کہ اونا تدبیر اٹ ہچ ءُ گیرام اس اف، و اونا تقدیری آ فیصلہ غاتیٹ ہچ ءُ گڑاس بے کار اف۔ دانا مطلب دادے کہ اللہ پاک نا ذات کمزوری آن پاک ءِ، تو او گیرام کننگ آن ہم پاک ءِ انتئے کہ اسٹ اس اگہ کمزور مس تو خامخا اونا کاریم تے تیٹی گیرام دننگ اس مریک، دا ذات او گڑا غان پاک ءِ۔
از ابن الحسن ابابکی