لمئی آ بولی
Get real time updates directly on you device, subscribe now.
افضل مراد
عزت و ننگ کنا بولی ئِ
مہر انا رنگ کنا بولی ئِ
زند انا باسن آ کسر تیٹی
سیخا و درنگ کنا بولی ئِ
اونا زی آ کنے نی شیف خلیس
مفرہ تنگ کنا بولی ئِ
دا مش و پٹ تا اریٹ خواجہ
متکن آ جنگ کنا بولی ئِ
شاغ تے اخہ پٹ و پول تیٹی
منوہ، تفنگ کنا بولی ئِ
داٹی دنیا اس ارے شابیت ئُ
پاپہ بدرنگ کنا بولی ئِ
تینے چاہنگ نا کسر تیٹی
بیرہ ماہ رنگ کنا بولی ئِ
خواہوہ نے مراد نا ڈول آ
نی تفہ ڈنگ کنا بولی ئِ