حمدباری تعالیٰ

کریم فریادی

مشکل کشا حاجت روا اللہ ارے اللہ ارے
سوال ئِ بنوک ہر بندہ نا اللہ ارے اللہ ارے
دریا سمندر بوچ و بئے، عرض و سما ٹی انت اس ارے
کل ئِ جہان تا بادشاہ، اللہ ارے اللہ ارے
او خالق ئِ، او رازق ئِ، بے شک ثناءنا لائق ئِ
معبودِ یکتا کبریا، اللہ ارے اللہ ارے
فضل ئِ تے نن خوان سہب و شام، ذکر ئِ تے کین تینا کلام
ننا اومیت و آسرا، اللہ ارے اللہ ارے
فریادی عاجز! ناتوان، نی مر مفہ اونا در آن
عدل ئِ کروک روزِ جزا، اللہ ارے اللہ ارے