تخت و تاج
Get real time updates directly on you device, subscribe now.
فراق مہر
نئے تخت تاج خواوہ نئے خواوہ بادشاہی
اے دیدہ خن تا نے آن ای خواوہ با وفائی
باریم ئِ ہُر دا غم تا کر مہر انا نگاہ اس
مخنگ مہر اٹی کر درد ئِ ننا دوا اس
درد آتیان نا بیمار داسہ اریٹ جائی
اے مہربان بر ہُر خن تا تینا گنوک ئِ
دا زندہ لاش جوڑ ئِ نے کن سدا ہروک ئِ
دستور مہر انا اف دُن کپہ ناروائی
تینا ہمے کروک آ اے وعدہ ئِ وفا کر
جانان مہر انا نی حق ئِ برک ادا کر
نا بے رُخی کرینے کن کن صنم تباہی
خنپیسہ دن ئُ عاشق دن کہ فراق مہر ئِ
تعریف کے نا خن تے، نی پا کنے او دیر ئِ
بے وس نا زندگی تو نی کپہ مسخراہی