مسخرہ کیک
وحید ہمراز، بیسیمہ
وار اس بڑز وار اس تمک اے تخت مسخرہ کیک
خوشی ٹی جی غم اٹ نرک اے سنگت مسخرہ کیک
دا جوانی دا رنگ دا صورت دا سیرت فانی اریر کل
وار اس ورنا وار اس پیر ءِ وخت مسخرہ کیک
دا مال دا مڈی دا دولت دا شہرت سلپسہ اسہ ڈَول
وار اس میر وار اس پخیر اے سیاست مسخرہ کیک
است پاہک انت خواہک نے دم اس خڑک آن خنو ای
گام اس مستی گام اس پدی اے فرصت مسخرہ کیک
عجیب ءُ وڑ کیک ، خوشی تے پلک، غم تے مڑک کنے آ
دم اس مخفک وا ہوغفک اے سخاوت مسخرہ کیک
پاہک کنے دا ہمو وحید اُس است ءِ کنا شکار کروک آ
تولوک مرے کن تون وخت اس بس سخت مسخرہ کیک