اپوزیشن و حکومتی سیوتی جماعت آتا برانزپارلیمانی کمیٹی پنّا

پوسکن ءُ کمیٹی اس جوڑ، وزیر اعلیٰ بلوچستان سروک تے مریک

0

Get real time updates directly on you device, subscribe now.

کوئٹہ …….اپوزیشن و حکومتی سیوتی جماعت آتا برانزآن پد کورونا نا بابت جوڑ پارلیمانی کمیٹی پنّا، وخت اس کہ دا بابت اسہ پوسکن ءُ کمیٹی اس جوڑ کننگا، ہرانا سروک وزیر اعلیٰ بلوچستان مریک۔ سرجم حوال آتا رد اٹ محکمہ ایس اینڈ جی اے ڈی حکومت بلوچستان نا اعلامیہ سے نا رد اٹ کووڈ کورونا19 نا بابت پارلیمانی کمیٹی نا نوٹیفکیشن ءِ دمدستی پدی ہلنگانے۔ محکمہ ایس اینڈ جی اے ڈی حکومت بلوچستان نا اسہ پین اعلامیہ سے نا رد اٹ کورونا وائرس نا بابت وزیراعلیٰ بلوچستان جام کمال خان نا کماشی ٹی صوبائی کمیٹی اس جوڑ کننگانے، کمیٹی نا باسک آتیٹی صوبائی وزیرک نوبزادہ طارق مگسی، سردار عبدالرحمن کھیتران، میر ضیاءاللہ لانگو، سردار یار محمد رند، میر اسداللہ بلوچ، سلاہکار عبدالخالق ہزارہ، صوبائی اسمبلی نا باسک آک اصغر خان اچکزئی، ملک سکندر خان ایڈوکیٹ، نصیر شاہوانی، نصراللہ زیرے، گہرام بگٹی و سید احسان شاہ اوار ءُ۔ وخت اس کہ چیف سیکرٹری بلوچستان فضیل اصغر کمیٹی نا سیکرٹری ءِ۔

)آن لائن / خ ن)

Get real time updates directly on you device, subscribe now.

Leave A Reply

Your email address will not be published.