کے امر بدنصیب نا چنا
اسماعیل خنجری
Get real time updates directly on you device, subscribe now.
خوانے امر دا چنا بد نصیب اسے نا ءِ
اف تے قلم کاپی غریب اسے نا ءِ
نہ کہ بوٹ نہ جراب نہ ارے وردی
نفرت کیرہ کل دا چنا رقیب اسے نا ءِ
است ارے تے خواننگ نا خوانے دا امر
گواچی سخت انگا زمزیر اسے نا ءِ
دُز لفنگ جوڑ کیک چنا ءِ غریبی
پارہ کہ دا اولیاد بے ضمیر اسے نا ءِ
کس غریبی خنتنے دیر ءِ رحم برو
بد بریک ماسٹر تے فقیر اسے نا ءِ
معصوم انگا رنگ ءِ تے گوہانے غریبی
خسپہ دا پھل ءِ انجیر اسے نا ءِ
سنگت مرک دانا نی اللہ نا سنگت ءِ
ہوغک دا چنا بےجاگیر اسے نا ءِ
در در آن خنپک بروک اس ارغ نا
بے ادب پارہ باشیڑ اسے نا ءِ
پچ افک جان آتے لڑزک یخ اٹی
کشکک اونا چوٹ چڑہ ریڑ اسے نا ءِ
دوٹی ہرفک پسٹول ءِ مول کیک مون ءِ
پارہ دا اولیاد بے ضمیر اسے نا ءِ
لاش تموک بے کفن اٹ دے نا دے آ
دا جغر نا ٹکر اسہ ایڑھ اسے نا ءِ
نہ کہ بٹنگ نئے بخیر بس ہرکس روان ءِ
کانبو یار آک دا برام اسہ میر اسے نا ءِ
خنجر کس ءِ دوست اف غریب نا غریبی
بخت اٹی تے مونی ماہگیر اسے نا ءِ
ہفتئی تلار
P# 06
02-08 May 2020