فیفا فٹبال ورلڈ کپ 2026ء، اسپین بیلجیئم ءِ 1-2 اٹ کٹا، سیمی فائنل اٹی جاگہ پَک
مسکوہی عالمی چیمپئن اسپین سیمی فائنل اٹی سر مروک آ ارٹمیکو ٹیم جوڑ مس، مرینو نا گڈیکو ساہت اٹی فیصلہ کن گول
Get real time updates directly on you device, subscribe now.
فیفا فٹبال ورلڈ کپ 2026 نا ارٹمیکو کوارٹر فائنل اٹی اسپین بیلجیئم ءِ 1-2 اٹ کٹا و سیمی فائنل کن کوالیفائی کرے۔ لاس اینجلس اٹی گوازی کروک آ کوارٹر فائنل اٹی اسپین بیلجیئم ءِ اسہ گول نا برخلاف اِرا گول اٹ کٹا۔ مسکوہی عالمی چیمپئن اسپین نا کنڈ آن اولیکو گول فیبیان 30 میکو منٹ اٹی کرے ہراڑان پد بیلجئم نا ڈی کیٹالا 41 میکو منٹ اٹی گول کرسا حساب ءِ بریبر کرے۔ دا ٹورنامنٹ اٹی اسپین نا ٹیم نا برخلاف اولیکو گول اسکور کننگا۔ میچ نا گڈیکو ساہت آتیٹی اسپین ارٹمیکو گول ءِ کرسا 1-2 نا فیصلہ کن برتری دوئی کرے۔ اسپین نا کنڈ آن دا اہم ءُ گول اس 88 میکو منٹ اٹی مرینو اسکور کرے۔