ریاست دافتا است آ ہموتم بریک ہراتم مال رسینگے، محسن نقوی

اسلام آباد، بنجائی وزیر داخلہ محسن نقوی سینٹ دیوان اٹ جے یو آئی آ ِ سخت تنقید کرسا پارینے کہ مستین دے مولانا پارے کہ او ریاست آ تُف کیک‘ اوفتیکن ریاست ہمو دے اسکان لمہ مریک ہراتم اسکان مال رسینگے‘ ہراتم حکومت اٹی بشخ ملپ تو ریاست آ تف کیرہ۔ سینٹ اٹی تینا خیال آتا درشانی ءِ کرسا محسن نقوی پارے کہ ننا دورہ ایران دفاعی معاہدہ تون تعلقدار الو‘ تدوک آ دے مولانا فضل الرحمان رد پارے کہ نن دفاعی معاہدہ کن ایران آ ہناسُن، ساڑی تنکی ءِ چٹفنگ کن تہران آ ہناسُن، ای شوق اٹ ہنپرہ، کنے پی ایم ٹاسک تسنے ہرانا سوب آن ہناٹ‘ او پارے کہ کنے آ جے یو آئی بھلو وخت اسے آن شرہ کننگ ئس‘ ای مولانا فضل الرحمان نا شرف ءِ کیوہ‘ تدوک آ دے ہراتم او پارے کہ ای ریاست آ تف کیوہ تو اوڑکن شرف سلتنے۔ گڑاس گڑا سیاست دان تتون زیب کپسہ‘ محسن نقوی پارے کہ داسہ نمے ریاست آن نوکری و پیسہ رسینگپک‘ جے یو آئی نا سینیٹر کامران مرتضیٰ نا برانز آ محسن نقوی پارے کہ کامران صاحب نمے بنوئی تمک، اوفک اسلام ءِ کاروبار جوڑ کرینو، اوفک ہر ہمو گڑا کن اسلام ءِ کاریم اٹ اتیرہ ہراٹی اوفتا جند ءِ فائدہ مرے، ہندا بندغ آک بسرہ پاریرہ کہ گورنر راج خلبو ننا جان ءِ چٹفبو۔