بلیدہ ٹی دہشتگرد اسے خلنگ سیکورٹی فورس آتا اہم ءُ سرسہبی اسے،وزیراعلیٰ میر سرفراز بگٹی

کوئٹہ، وزیراعلیٰ بلوچستان میر سرفراز بگٹی ضلع کیچ انا علاقہ میناز، بلیدہ ٹی فتنۃ الہندوستان نا دہشتگرد آتا برخلاف سیکورٹی فورس آتا سرسہب کارروائی آ است جمی نا درشانی ءِ کرسا پارینے کہ آپریشن ردالفتنہ 3 نا رد اٹ دہشتگرد آتا برخلاف گچین کارروائیک امن دشمن آتا پراگندہ غا ارادہ غاتے بے سہب کننگ کن المی ءُ۔ وزیراعلیٰ پارے کہ میناز، بلیدہ ٹی انٹیلی جنس بیسڈ آپریشن نا وخت آ فتنۃ الہندوستان نا اسہ دہشتگرد اسے خلنگ سیکورٹی فورس آتا اہم ءُ سرسہبی اسے۔ اِرا زالبول ءِ تین تون اوار دروک دہشتگرد آتا برخلاف وخت آ کارروائی سیکورٹی فورس آتا سنبرینگوک مننگ، کسبی لائخی و گچین حکمت عملی نا ڈیک ءِ۔ میر سرفراز بگٹی پارے کہ بلوچستان اٹی امن و ایمنی و الس نا جان و مال انا رکھ اکن سیکورٹی فورس آتا خذمت آک ستا کڑزرہ۔ دہشت گردی نا برخلاف جنگ اٹی سیکورٹی فورس آتا کارروائیک امن دشمن عنصر تا ارادہ غاتا کسر اٹی اڑاند ءُ۔ وزیراعلیٰ بلوچستان پیدوار کرے کہ فتنۃ الہندوستان نا دہشتگرد و اوفتا کمکار آتا برخلاف کارروائیک پورو واک اٹ برجا تخنگرہ۔ او پارے کہ بلوچستان اٹی دہشت گردی نا پورو چٹفنگ و مدامگی امن اسکان ریاست نا ارادگی سوگو سلوک ءِ۔