صدر زرداری نا تھرپارکر سلنڈر ترخنگ واقعہ غا است ہسونی

اسلام آباد، صدر مملکت آصف علی زرداری تھرپارکر اٹ ایمبولینس اٹ آکسیجن سلنڈر نا ترخنگ نا است ہسون واقعہ ٹی نہادی انسانی جان تا زیان آ است ہسونی نا درشانی ءِ کرینے۔ پنچ شنبے نادے آ ایوانِ صدر نا میڈیا ونگ آن جاری بیان نا رداٹ صدر مملکت آصف علی زرداری شکست اٹی زوال مروک بندغ آتا خاہوت آتتون ہڑزخواہی و ٹھپی مروک بندغ آتا زوت جان جوڑی کن نیک استخواہی نادرشانی ءِ کرے۔ صدر مملکت پارے کہ واقعہ نا سوب آتے زوت معلوم کننگ کن شفاف جاست وپاست کرفنگے و آخبت اٹ دا وڑ انا است ہسون واقعہ غاتا توننگ کن رکھی گام گیج آتے پین گچین کننگے۔