کینساس: سوئٹزرلینڈ ءِ کٹا، دفاعی چیمپئن ارجنٹینا سیمی فائنل اٹی سر مس ارجنٹینا 1-3 اٹ سرسہب

کینساس: سوئٹزرلینڈ ءِ کٹسا دفاعی چیمپئن ارجنٹینا سیمی فائنل اٹی سر مس۔ فٹبال ورلڈ کپ نا چارمیکو کوارٹر فائنل اٹی اولیکو گول ارجنٹینا نا پارہ غان 10 میکو منٹ اٹی میک الیسٹر اسکور کرے، ہرادے سوئٹزرلینڈ نا پارہ غان ڈوئے 67 میکو منٹ اٹی گول کننگ اٹ بریبر کرے۔ مقررہ وخت اٹی کوارٹر فائنل 1-1 گول اٹ بریبر سلیس، ہراڑان پد میچ ءِ فیصلہ کن جوڑ کننگ کن نیم گھنٹہ نا ودیکی وخت تننگا۔ودیکی وخت اٹی ارجنٹینا سوئٹزرلینڈ نا برخلاف ارٹمیکو گول اسکور کرے، ارجنٹینا نا پارہ غان گول ودیکی وخت نا ارٹمیکو ہاف اٹی الواریز کرے، وخت اس کہ گوازی نا گڈیکو ساہت آتیٹی ارجنٹینا مسٹمیکو گول اسکور کرسا سیمی فائنل کن تینا رسینگ ءِ پک کرے، سیمی فائنل اٹی ارجنٹینا نا مقابلہ انگلینڈ تون مریک۔ ریفری سوئٹزرلینڈ نا گوازی گر ایمبولو ءِ ریڈ کارڈ نشان ترسا میدان آن پیشن کرے، ایمبولو دا درشان کریسس کہ اودے ارجنٹینا نا گوازی گر بٹینے، ریفری وی اے آر نا کمک اٹ فاؤل ءِ جاچ ہلنگ آن پد سوئٹزرلینڈ نا گوازی گر ءِ تمنگ نا اداکاری کننگ آ ریڈ کارڈ نشان ترسا پیشن کرے۔