وطن
نسیم سحر بانی راسکوہ ادبی دیوان نوشکے
جی جی ننا مادر وطن
نے کن امر سدخہ مفن
نی اُس ننا گور و کفن
جی جی ننا مادر وطن
سیخا ءِ نا مادر پدین
دن دیرک ءُ نا شہد آن ہنین
موسم ارے نا بس گچین
جی جی ننا مادر وطن
بوچ آک ءُ نا دارو دوا
ہر دڑد انا دادو شفا
رکھے نے بس مولا ننا
جی جی ننا مادر وطن
نی اُس وطن لمہ ننا
بے شک اریس پڑدہ ننا
بس مشک و نا خوڑدہ ننا
جی جی ننا مادر وطن
فوج آتے نا کینہ سلام
پرعزم ءُ دا ہر سہب و شام
سدخہ ءُ نے آ دا تمام
جی جی ننا مادر وطن
نا ندر ای قربان نسیم
جی کیو نے ای جان نسیم
دوست اُس کنے ساہ آن نسیم
جی جی ننا مادر وطن
ہفتئی تلار کوئٹہ، تاک 12، سال 17، پنہ 1
21-27 March 2020