چنکی

عالم نسیم

0

Get real time updates directly on you device, subscribe now.

اسل خواپرہ ہچ چنکی ءِ خواوہ

ہمو دیر تا تینا ای خوشی ءِ خواوہ

ہمو تینا اسکول کاپی ءِ خواوہ

ہزار آتے آخا ای روپئی ءِ خواوہ

کنے پین ہچ ءُ بکارافّ گڑا اس

چنکی نا تینا ہمو بے غمی ءِ

ہمو آسرات انگا بس زندگی ءِ

تدوک آ ہمو بس گچین آ صدی ءِ

ہمو سنگت آتا پدا سنگتی ءِ

کنے پین ہچ ءُ بکارافّ گڑا اس

خلے ولدا خواننگ کن ابّا کنے ہم

دے اسکول آ زور اٹ کہ چاچا کنے ہم

کہ نوارفے مہر اٹ و کاکا کنے ہم

پدا منفے خوش کے جیجا کنے ہم

کنے پین ہچ ءُ بکارافّ گڑا اس

مسیت آ ای کاوک الف بے ٹی خوانو

ای سنگت و یار آتے گوازی کن پٹو

اےٹلی و چدا تے کنج آ ای ڈکو

نوا کاش ولدا چنکی ءِ ملو

کنے پین ہچ ءُ بکارافّ گڑا اس

Get real time updates directly on you device, subscribe now.

Leave A Reply

Your email address will not be published.