اصطلاحات نثر(پٹ و پول)…………37

راج اسے نا راجی قدر آک تہذیب نا چاگڑد اٹی تالان مریرہ، و قدر آتا رد و بند اٹ اونا بنداوی مسخت ہندا تہذیب اٹی بریک، یعنی تہذیب، راج انا زند انا وڑ و ڈَول، دروشم و اونا جم سوچ و کساس آتا جوہر مریک۔ ہندن زبان، فنون لطیفہ، راجی سیالداری، ازباب و پیداوار نا وڑک، پامداری، جوانی، دود و ربیدہ غاک، مہر و مریبت، عزت و شرفمندی، خاہوتی تعلقداریک، دنیا داری نا گڑاک تہذیب نا ڈیک آک مریرہ۔

تہذیب ہمو اوار رہینگ انگ ء ُاسیجا مننگ نا وڑک اسے، ہراٹی اواری یا اسہ ایلو نا ذہنی سوچ انا پیدواری انسانی قدر آتا تصور اٹ مون آ بریک۔ ہند اوڑ اواری نا اشتراکی عمل نا رد اٹ دوئی مروک ہمو غٹ تہہ و پیشن نا مدت و کمک و کاریمک ہرا کہ اسہ ایلو نا شون و شادکامی کن بکار بریرہ۔ دافک اسہ قوم و راج اسے نا یا بندغ آتا زند و بود انا جم رویہ و اصول آتے پیدوار کیرہ۔ ہندن دافک زمانہ تون اوار اوار قوم آتا تہذیب جوڑ مرسا اوفتا کالخواہی نا سوب جوڑ مریرہ۔ 

تہذیب دن پا کہ راجی پامداری نا ارتقاء اسے، ہرانا کیرغ آن ذہنی و عملی واکدار آتا اواری، تخلیق و اونا پوسکنی تون اوار بدلی نا ہر اسہ پالو پاش مرسا کیک۔

اگہ تہذیب نا ردا ٹ اونا جتا جتا زمانہ غاتا مطالعہ ءِ کننگے تو اوٹی ننے خاخر نا لگفنگ، خل تا ازباب آک، مش آن جوڑ کروک آ رزانک، و کشت و کشار نا گرج انا گڑاک تہذیب نا جتا انگا بنداو آک اریر، و ہراڑے او تینا بنداو ءِ سوگو کرسا زمانہ نا گرج آتا رد اٹ تینے ٹی بدلی اتسا کرینے، ہرا کہ اینو ہم برجا ءِ۔

تہذیب و ثقافت اٹی فرق:۔

بھاز آ عالم آک ”ثقافت“ و ”تہذہب“ ءِ اسہ معنہ نا رد اٹ ہُررہ، و بھاز آک دا ہڑتوم آ لوز آتے اسہ ایلو آن جتا پارینو۔ علی عباس جلالپوری ثقافت و تہذیب نا معنہ غاتے اسہ ایلو تون خڑک پاہک، و او ”تمدن“ نا لو زءِ انسانی راج انا مادی شونداری تون گنڈک، ہرا ثقافت، تہذیب آن خڑک ارے۔

او تینا گچین آ فکری کتاب ”خرد نامہ جلالپوری“ ٹی تہذیب و تمدن نا رد اٹ لکھانے:

”تہذیب کا معنی ’سنوارنا‘ اور ’تمدن‘ کا مطلب ہے ’شہری زندگی گزارنا‘۔۔ تہذیب کے لئے انگریزی کا لفظ کلچر اور جرمن کا لفظ ’کلہڑ‘ ہے۔ دونوں کا معنی کھودنا، پیدا کرنا، اگانا، لفظ تہذیب کئی معنوں میں مستعمل ہے۔ علم الانسان کے اصطلاح میں جو کام بھی انسان نے بحیثیت انسان کیا ہے وہ تہذیب یا کلچر کے ضمن میں آئے گا۔ کسی خاص قوم کی ذہنی اور ذوقی ترقی اس ملک کی تہذیب کی نشاندہی کرتی ہے۔

بعض علماء کے خیال میں تمدن تہذیب ہی میں مشمول ہے، اس سے الگ نہیں ہے۔ عام طور پر کسی قوم کے علمی، فنی اور فکری کارناموں کو اس کی تہذیب اور مادی ترقی کو اس کے تمدن سے منسوب کیا جاتا ہے۔“ (جلالپوری، 2013ء)

یات سلے کہ پنی آ ادیب سبط حسن، پروفیسر عتیق اللہ کلچر ءِ لاطینی لوز اس پارینو، و علی عباس جلالپوری و ابو الاعجاز حفیظ صدیقی دادے جرمن زبان نالوز اس لکھانے۔ ولے لاطینی وجرمنی ناہندا لوز انا معنہ اسٹ ءِ ہرا کہ بڑز نوشتہ کننگانے۔

ہفتئی تلار
تاک: 41
24-30 Oct, 2020
پنہ: 04