الوارث جل جلالہٗ

دا اسم مبارک نا بارو اٹ عالم دینک اِرا سِفت نوشتہ کرینو

  ـ۱ ـ الوارث، ہو الباقی بعد فناءالخلق والمستَرِد املاکھم و موارثھم عد موتھم ولم یزل اللہ باقیا ملائکالاصول الاشیاءکلھا یورثھا من یشاءویستخلف فیھا من الحب

بدل: امام خطابیؒ فرمائفک کہ الوارث جل جلالہٗ ہمو ذات ءِ کہ مخلوق نا فنا مننگ آن گڈ باقی سلک، مخلوق آن کس انا کزیت کننگ آن پد اوفتا مال و میرات ءِ اوفتا وارث آتا سر کروک آ ہم الوارث جل جلالہٗءِ، او مدام زندہ سلک و او کل گڑا تا مالک ءِ، انت اسے نا ارادہ کیک یا ہرا گڑا غا کہ خواہس تینا خزانہ غاتیان بندغ آتے مالک کیک، و تصرف نا اختیار عطاءکیک۔

الوارث نا لوز آن شینگ کروک ءُ لوز اس دا وَڑ اٹ قرآن پاک اٹ بسنے

“انا نحن نرث الارض و من علیھا ولینا یرحمون۔”

سورة مریم آیت نمبر 40

بدل: “بیرہ نن ڈغار نا و اوڑا رہینگوک آتا وارث مرینہ، و ہر گڑا ننا کنڈ آ پدی بریک۔”

مطلب دادے کہ ہچ ءُ ملک اسے نا مالک زندہ سلپک، بیدس الوارث جل جلالہٗ نا ذات آن کہ تنیا او سلک۔

ـ۲ـ  تفسیر الاسمی پنی آ کتاب نا 65 میکو پنہ غا امام زجاجیؒ نوشتہ کرینے کہ

“کل ہنوک آتیان گڈ ہرا کہ سلک اودے وارث پاننگک۔”

از ابن الحسن ابابکی

ہفتئی تلار

P# 1

02-08 May 2020