حقیقت نگاری (Realism)

اصطلاحات نثر:۔

حقیقت نگاری:۔ (Realism)

انگریزی ٹی کاریم اٹ بروک آ لوز Realism لاطینی لوز Res آن ہلنگانے، ہرانا معنہ ”گڑا“ (Thing) ءِ۔ ہمو گڑا ہرا کہ تینے وخت اس ہم ”حقیقت“ آن جتا و نویکل تکتنے۔

حقیقت نگاری، صنف ادب، مصوری و فلسفہ نا اسہ خاص ءُ اصطلاح اسے۔

ادب نا پڑ آ راست نوشتہ کننگ، راستکی تے پاش کرسا و اونا تہٹی ڈکوک آ حقیقت آتے مون آ اتنگ یا اوفتا عکس آتے پیش کننگ حقیقت نگاری ٹی بریک۔

یعنی ”ادب اٹی زند انا (ہرا وڑ کہ او ارے) راست آ فوٹو ءِ پیش کننگ حقیقت پاننگک۔“ (جمال، 2014ء)

ابولاعجاز حفیظ صدیقی نا پاننگ نا رد اٹ:

”ادب میں اشیاء، اشخاص اور واقعات کو کسی قسم کے تعصب، عینیت، موضوعات اور رومانویت سے آلودہ کئے بغیر دیانت و صداقت کے ساتھ پیش کرنے کی کوشش حقیقت پسندی یا نگاری کہلاتی ہے۔“ (صدیقی، 1985ء)

ادب اٹی زند، فطرت، پس چاگڑد و واقعہ غاتا رد اٹ اوفتا جزیات نا درست تصویر کشی کننگ، حقیقت نگاری نا منصب مریک۔ داٹی ہندن تصویر کشی کننگک کہ اوٹی مبالغہ آرائی نا گنجائشت نا درک ہم لگپ۔ دن کہ میکسم گورکی پاہک کہ:

بے رنگ و روغن آ بندغ و اوفتا زند انا راست بیان حقیقت اٹی برے۔ بنیکی وڑ اٹ حقیقت نگاری ادب و فن (فن مصوری) نا اسہ تحریک اس ئسکہ۔ ہرانا بنا ”رومان پسند“ آتا برخلاف یانزدہمیکو کرن آن بنا کرسا، نوزدہمیکو کرن اٹی بھاز تالان مس۔

حقیقت نگاری نا تخلیقی نوشت آتا رد اٹ علی عباس جلالپوری سرجمی اٹ بیان کرینے، و ہرا حقیقت نگاری نا بنائی دور انا بابت گچین معلومداری تے درشان کیک۔ دن کہ او نوشتہ کیک:

”انگلستان میں میرایا جورتھ نے سب سے پہلے دیہات کے جیتے جاگتے مرقعے پیش کئے۔ جان کاؤ پرپاؤس اور میس فیلڈ نے اس رجحان کو آگے بڑھایا۔ ڈکنز (چارلس) کے قصوں میں اس دور کے نچلے طبقے کے مصائب و آلام کی کئی اور درد بھری تصویریں ملتی ہیں۔ ایڈورڈ کو کسانوں سے دلی ہمدردی تھی، وہ خود کسان بن کر دیہات میں مقیم ہو گیا۔ چنانچہ اس کے قصوں میں جیتے جاگتے دیہاتی کردار ملتے ہیں۔

فرانس بالزک اور ستاں دال کے ناولوں میں یہ تحریک پروان چڑھی اور زولا کی فطرت نگاری اپنی انتہاء کو پہنچ گئی۔

اطالوی ادیب پیراں دلو نے اس کا رخ اظہاریت کی طرف موڑ دیا۔

بیسویں صدی میں اشتراکی انقلاب کے بعد اس تحریک نے ترقی پسندی کا روپ دھار لیا۔ ترقی پسند شاعر اور قصہ نویس عوام کی روزمرہ کی زندگی کی عکاسی اور ترجمانی ہی نہیں کرتے بلکہ ان کے انقلابی ولولوں کی آبیاری بھی کرتے ہیں۔“ (جلالپوری، 2013)

یانزدہمیکو کرن اٹی حقیقت پسندی و فطرت پسندی تینا جم و جوش اٹی مون آ بس۔ فرانس آن چست مروک آ ہڑتوم آ ادبی تحریک آک ادب نا دنیا غا اسہ بھلو اثر اس شاغار۔ و تینا دورباری ٹی حقیقت نا رجحان اٹی ہم ودکی تالان کریر۔

ہراتم حقیقت پسندی نا پارہ غا چکار کننگا تو رومانیت کون آ رویہ غاک پد سلیسر۔ انتئے کہ حقیقت نگاری ٹی رومانیت کون آ رویہ غاتا جاگہ کم مریک، بلکن بھلوکچ اس اسکان مفک ہم۔ داٹی زند اتون گنڈوک ایلو لوازم آک ہر اکہ راستکی ٹی تینے درشانی کننگ خوارہ او بیرہ حقیقت اٹی مون آ بننگ کیرہ، دن کہ ڈاکٹر سلیم اختر دانا بابت نوشتہ کیک:

”حقیقت کا رویہ رومانویت (رومانیت) کے برعکس ہے، اس لئے حقیقت نگاری رومانویت جیسی خوش نما، خوش رنگ اور خوش منظر نہیں ہوتی۔ اسی طرح اس میں بے لگام تخیل، بے مہار فیٹسی، اور مافوق الفطرت ماحول یا انسانی سرشت مافوق الفطرت کرداروں کی بھی گنجائش نہیں ہوتی۔“ (اختر، 2019ء)

نن ہراتم ادب نا ہیت ءِ کینہ تو ننا ذہن اٹی فنونِ لطیفہ ہم بریک و ہندن فن اٹی حقیقت نا تصور ہم مون آ بریک۔ ہمو شاعری یا مصوری ہرا تینا تہٹی جتا جتا وڑ و ڈَول انا رنگ آتے چٹ ایتک۔ او اسہ شاعر و مصور اسے نا فنی آزموندہ و خیال آتا درشانی مریک۔ ہراٹی ذاتی (تہہ انا) و پیشن نا احساس آتا ترجمانی ءِ کننگک، و احساس آتا ترجمانی حقیقت نا کیرغ آن مریک۔

ادب اٹی وخت اس کہ ”حقیقت نا پن آ“ انت اس کہ نوشتہ کننگانے یا انت اس کہ پاننگانے اوفتے لس وڑ اٹ حقیقت نگاری یا فطرت نگاری نا پن تننگانے۔

حقیقت مرے یا مف، ولے بھاز آ فن پارہ غاتے دانا بشخ جوڑ کننگانے۔

شعوری یا لاشعوری وڑ اٹ حقیقت نگاری ءِ راست آ تجزیہ یا تنقیدی نقطہ نظر اٹی ہُننگ تنے۔

انڈیا نا ادیب نرمل و رمادوس نا پنی آ ناول نگار لیوٹالسٹائی و نطشے نا خیال آتا بابت دا ڈَول پاہک:

”ہر زمانے کے عظیم ترین فنکاروں میں سے ایک ٹالسٹائی اپنی زندگی کے آخری ایام میں خود اپنے ”فن“ سے مایوس ہو گیا تھا۔ وہ اس لئے کہ اس نے محسوس کیا کہ جو کچھ بھی حسن کے نام پر تخلیق کیا جاتا ہے وہ صداقت کی اس ہمہ گیر پیچیدگی کو مسخ کر دیتا ہے جس سے ہمیں اپنی حقیقی زندگی میں سابقہ پڑتا ہے۔ اور یہ محض اتفاق نہیں تھا کہ اس کے ہم عصر فلسفی نطشے نے بھی انہی اندیشوں کا اظہار کیا تھا۔ جب اس نے کچھ مبہم طور پر کہا کہ انسان کے پاس فن کی دولت ہے ورنہ وہ صداقت کے ہاتھوں تباہ ہو جاتا۔“ (عتیق اللہ، 2018ء)

کتاب آک:۔

اختر، سلیم، (2019ء)، ”تنقیدی اصطلاحات“، سنگ میل پبلی کیشنز، لاہور

جلالپوری، علی عباس، (2013ء)، ”خرد نامہ جلالپوری“، تخلیقات لاہور

جمال، انور، (2014ء)، ”ادبی اصطلاحات“، نیشنل بک ہاؤس، اسلام آباد

صدیقی، ابوالاعجاز حفیظ، (1985ء)، ”کشاف تنقیدی اصطلاحات“، مقتدرہ قومی زبان، اسلام آباد

عتیق اللہ، پروفیسر، (2018ء) ”تنقید کی جمالیات“۔

ہفتئی تلار

تاک: 10

12-06 فروری 2021ء

پنہ: 03