حضرت ابراہیم ؑ و اسماعیل ؑ   نا کعبۃ اللہ نا تفنگ  2

مار و باوہ خلکُر اودے کُنج اسیٹی شان اتو

بیت ربی آ ہر اَسٹ کاہے پاو ایمان اتو

دا خَل آن طواف شروع کیر او رضا اٹ رب انا

راست دو آن او چرینگِر کہ طواف اٹ کعبہ نا

کعبۃ اللہ مس مکمل بس وحی دا شان اتو

ایتے آذان نی توار خڷ خلقت ءِ اعلان اتو

تِس آذان ابراؑہیم تو رب آ تینا سوال کرے

پارے اللہ تِپرہ ہچ آسمان آ خیال کرے

دے بنو ءِ دے برو ءِ دا توار ءِ ایت کسر

پارے اللہ دا توار ءِ تسنٹ دون ءُ اثر

قیامت اِسکان دانا طواف دانا عظمت برقرار

بھاز فرشتہ داڑا موجود انس و جن آک بے شمار

روح تے نیک اِنگا بنفیٹ نا توار ءِ اے خلؑیل

قدرت و حکمت نا خواجہ ای اریٹ ربُ الجلیل

مُرمرّ آن حج کنِنگ کن بندغ آک داڑا برور

قبلہ منور بیت ءِ ہندا مومن آک مون ءِ ترور

ای نبیؐ آخر زمان ءِ بش کروٹ ہندا جہ آن

مُچ دنیا ٹی کروٹ ای نور تالان مکہ آن

پارے رب کہ دُن خلؑیل ءِ خوا پین انت خواسہ نی

وعدہ ءِ پورا کروک آ ای تو داخس چاسہ نی

پارے ابراؑہیم ربّ آ دا شرف ءِ بشخہ کہ

آخری پیغمبرؐ ءِ نی کنا پشت آن اتہ

بس نِدا کہ اے خلؑیل کہ کپرہ ای نے ملول

نا دعا ءِ بارگاہ ٹی ای کریٹ تینا قبول

ہفتئی تلار

15-21 August 2020

تاک: 32

پنہ : 4