الصبور جل جلالہٗ
بھلا سگ والا
:دا اسم مبارک نا بارو اٹ مسہ سِفت نوشتہ کننگک
۔۱۔ الصبور جل جلالہٗ لا نزعجہ کثرتالمعاصی الی کثرت العقوبت
مَٹ: الصبور جل جلالہٗ ہمو ذات ءِ کہ بندغ آتا گناہ تا گیشتری اودے زیات سزا غا مجبور کننگ کپک۔ مطلب دادے کہ دن مفک کہ او خار انا سوب آن کس ءِ اونا گناہ تیان زیات سزا ایتے، دُن اسُل مفک۔
۔۲۔ و قیل الصبور جل جلالہٗ الذی اذا قابلتہ بالجفا قابلک بالعطیت والوفاءواذا اعرضت عنہ بالعصیان اقبل الیک بالغفران
مَٹ: پاننگانے کہ الصبور جل جلالہٗ ہمودے کہ اگہ گناہ غان بڈ اوڑا کاس ولدا ہم او عطا و بشخینچ اٹ نے تون پیش بریک، و اگہ نی گناہ کیس اوڑان تینے مر تورس ولے او تینا مغفرت تون نا کنڈ آ ہروک مریک۔
یعنی داخو بھلو سگ انا خواجہ سے کہ گناہگار نا گناہ تے خننگ و چاہنگ آن گڈ ہم مغفرت و بشخینچ کیک۔
-3 الصبور جل جلالہٗ ہمو سگ انا خواجہ ءِ کہ تینا مے تے اوفتا گناہ تا سوب آن اوفتا سزا ٹی اشتاف کپک، بلکن مقرر آ وخت اسکان اوفتے یلہ اِلک۔
عالم دینک نوشتہ کرینو کہ اللہ پاک نا اِرا پن مبارک ”الصبور“، ”الحلیم“ نا معنہ غاک خڑک خڑک ءُ، ولے اسہ چنکو پرخ اس ارے تا کہ ”الحلیم“ نا لوز اٹ ”الصبور“ نا لوز آن سگ و برداشت زیات ارے۔
از ابن الحسن ابابکی